28.06.2026 | 11:58
Հետվճարի տեսքով վերադարձվել է 30 միլիարդ դրամ․ կառավարությունը՝ կենսաթոշակների մասին
Թրամփը ցանկանում է «Ուկրաինայի հաղթանակի հիմնադրամ» ստեղծել. The Telegraph
Քաղաքականություն
16.10.2025 | 21:19
Միացյալ Նահանգները նախատեսում է ստեղծել Ուկրաինայի համար նոր աջակցության հիմնադրամ, հաղորդել է բրիտանական The Telegraph-ը, գրում է DW – ի ռուսական ծառայությունը։
Նշվում է, որ ԱՄՆ նախագահ Դոնալդ Թրամփը հանձնարարել է երկրի ֆինանսների նախարար Սքոթ Բեսենթին համապատասխան ծրագիր ներկայացնել եվրոպական երկրներին Ուկրաինայի նախագահ Վլադիմիր Զելենսկիի հոկտեմբերի 17-ին Վաշինգտոն կատարելիք այցից առաջ։ ԱՄՆ վարչակազմը դեռևս պաշտոնապես չի հաստատել դա։
Բրիտանական լրատվամիջոցի հրապարակման մեջ այն կոչվում է «Ուկրաինայի հաղթանակի հիմնադրամ»։ Այն նախատեսվում է ֆինանսավորել Չինաստանի նկատմամբ ԱՄՆ-ի կողմից սահմանված մաքսատուրքերի հաշվին, իսկ ստացված միջոցները կօգտագործվեն Ուկրաինայի զինված ուժերի համար զենք գնելու համար։
Ծրագրի համաձայն՝ Չինաստանից ներմուծման վրա կարող են սահմանվել 500% մաքսատուրքեր, եթե Պեկինը չդադարեցնի ռուսական նավթի գնումները։
«Մենք կաջակցենք ցանկացած տարբերակին`Չինաստանի համար «ռուսական նավթի մաքսատուրք » կամ Չինաստանի համար «ուկրաինական հաղթանակի մաքսատուրք»,- նախօրեին Վաշինգտոնում լրագրողների հետ զրույցում ասել է Բեսենթը։
Նա նշել է, որ ուկրաինացի և եվրոպացի դաշնակիցները պետք է պատրաստ լինեն հետևել իրենց օրինակին։
Ավելի վաղ ԱՄՆ նախագահ Դոնալդ Թրամփը հայտարարել էր, որ Հնդկաստանի վարչապետ Նարենդրա Մոդին իրեն խոստացել է դադարեցնել ռուսական նավթի գնումը։ Թրամփի խոսքով՝ «հիմա Չինաստանը պետք է նույնն անի»։
Թարգմանությունը՝ Էմմա Չոբանյանի
