19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թրամփը Զելենսկիի հետ հանդիպումից առաջ հեռախոսազրույց է ունեցել Պուտինի հետ
Քաղաքականություն
16.10.2025 | 20:04
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույց է տեղի ունեցել հինգշաբթի՝ հոկտեմբերի 16-ին։ Այս մասին հաղորդում է CBS-ը՝ հղում անելով թեմային ծանոթ աղբյուրին, գրում է BBC-ի ռուսական ծառայությունը։
Լրատվամիջոցն այլ մանրամասներ չի հաղորդում։ Կրեմլը դեռևս չի մեկնաբանել այս հաղորդագրությունը։
Ուրբաթ՝ հոկտեմբերի 17-ին, Դոնալդ Թրամփը Սպիտակ տանը կհանդիպի Ուկրաինայի նախագահ Վլադիմիր Զելենսկիի հետ։ Նրանց զրույցի թեմաներից մեկը, ինչպես սպասվում է, կլինի Կիևին Tomahawk թևավոր հրթիռների մատակարարումը։
Հոկտեմբերի 12-ին Թրամփը հայտարարել էր, որ մտադիր է խոսել Ռուսաստանի նախագահի հետ, և որ եթե Վլադիմիր Պուտինը չհամաձայնվի առաջիկայում «կարգավորել պատերազմը», ԱՄՆ-ը կարող է Կիևին տրամադրել հեռահար հրթիռները։ Այդ ժամանակ երկու նախագահների միջև զրույցի վերաբերյալ համաձայնություն չկար, հաղորդել է Կրեմլը։
Մոսկվան Ուկրաինային հեռահար ամերիկյան հրթիռների հնարավոր տրամադրումը համարում է լուրջ սրացում։
Թարգմանությունը՝ Էմմա Չոբանյանի
