10.03.2026 | 19:30
Լավրովն ու Արաղչին հեռախոսազրույց են ունեցել
Թրամփը հաստատել է՝ շաբաթվա վերջին հանդիպելու է Զելենսկիի հետ
Քաղաքականություն
14.10.2025 | 10:46
ԱՄՆ նախագահ Դոնալդ Թրամփը հաստատել է, որ հոկտեմբերի 17-ին կհանդիպի Ուկրաինայի նախագահ Վլադիմիր Զելենսկիի հետ, գրում է Current time-ը։
Զելենսկին ավելի վաղ հայտարարել էր, որ Թրամփի հետ կքննարկի Ուկրաինայի օդային պաշտպանության ամրապնդումը, ինչպես նաև հեռահար զենքի մատակարարումը։ ԱՄՆ նախագահը չի բացառել Ուկրաինային հեռահար Tomahawk թևավոր հրթիռների փոխանցումը։
Այնուամենայնիվ, Թրամփը նշել է, որ մտադիր է պարզել, թե ի՞նչ է անելու Ուկրաինան դրանց հետ, ինչպես նաև խոսել ՌԴ նախագահ Վլադիմիր Պուտինի հետ և տեղեկացնել նրան, որ ԱՄՆ-ը կարող է այդ հրթիռները փոխանցել Կիևին, եթե Ռուսաստանը հրաժարվի կարգավորել պատերազմը։
Ուկրաինայի պատվիրակությունն արդեն մեկնել է Միացյալ Նահանգներ, որի կազմում են վարչապետ Յուլիա Սվիրիդենկոն, նախագահի աշխատակազմի ղեկավար Անդրեյ Երմակը, Ազգային անվտանգության և պաշտպանության խորհրդի ղեկավար Ռուստեմ Ումերովը և ուրիշներ։
Financial Times-ի լրագրող Քրիստոֆեր Միլլերն ավելի X սոցիալական ցանցում գրել էր, որ Թրամփը և Զելենսկին հանդիպումը նշանակել են անցյալ հանգստյան օրերին երկու հեռախոսազրույցներից հետո, որոնց ընթացքում նրանք քննարկել են Tomahawk հրթիռների վաճառքը և պատերազմը դադարեցնելու ուղիները։
ՌԴ նախագահ Վլադիմիր Պուտինը պնդում է, որ Tomahawk թևավոր հրթիռների՝ Կիևին փոխանցումը «ոչինչ չի փոխի մարտադաշտում»։ Նա հավելել էր, որ Ռուսաստանի ՀՕՊ համակարգը հարմարվել է ATACMS հրթիռներին և սկսել է դրանք որսալ, սակայն հրթիռների մատակարարումը կսրի Մոսկվայի և Վաշինգտոնի միջև հարաբերությունները։
Թարգմանությունը՝ Էմմա Չոբանյանի
