08.06.2026 | 19:51
Անհամբեր սպասում եմ մեր լավ և շարունակական համագործակցությանը. Դանիայի վարչապետը՝ Փաշինյանին
Քաջալերենք կանանց՝ անցնել կանխարգելիչ հետազոտությունները․ Փաշինյան․ ՏԵՍԱՆՅՈՒԹ
16.10.2025 | 14:10
«Ցավոք, կրծքագեղձի քաղցկեղը Հայաստանում տարածված ձևերից մեկն է, և շատ կարևոր է՝ հանրային պատշաճ միջավայր ձևավորենք, որպեսզի քաջալերենք մեր կանանց, որպեսզի հաճախակի կամ սահմանված ժամանակահատվածում այդ հետազոտությունն անցնեն»,-այս մասին կառավարության նիստում ասաց ՀՀ վարչապետ Նիկոլ Փաշինյանը։
Գործադիրի ղեկավարը միևնույն ժամանակ ընդգծեց, որ առողջապահության ապահովագրության համակարգի ներդրման դեպքում այս խնդիրն ավելի ինստիտուցիոնալ հիմքի վրա կդրվի։ Փաշինյանը նաև նշեց, որ չկա մեկ խնդիր, որի լուծումը չի անցնում կրթության միջոցով։ Ըստ Փաշինյանի՝ կրծքագեղձի քաղցկեղն էլ այդ դեպքերից։
Իր հերթին առողջապահության նախարար Անահիտ Ավանեսյանն ընդգծեց, որ սքրինիգրային ծրագրերի հատվածական ներդրումը, վիրահատությունների՝ պետական պատվերով փոխհատուցումները, որոշակի դեղորայքի տրամադրումն արդեն իսկ վիճակագրության վրա շատ լավ ազդեցություն են ունեցել:
Հիշեցնենք, որ ամբողջ աշխարհում հոկտեմբերը նշվում է որպես կրծքագեղձի քաղցկեղի իրազեկման ամիս: Նպատակն է բարձրացնել հանրության տեղեկացվածությունը կրծքագեղձի քաղցկեղի, դրա կանխարգելման և վաղ ախտորոշման հնարավորությունների վերաբերյալ:
Մանրամասները՝ տեսանյութում։
Մանյա Պողոսյան
