ՌԴ ԱԴԾ ղեկավարը Բրիտանիային մեղադրել է Կիևի «Սարդոստայն» գործողությանը մասնակցելու համար

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ՌԴ Անվտանգության դաշնային ծառայության (ԱԴԾ) ղեկավար Ալեքսանդր Բորտնիկովը ԱՊՀ անվտանգության մարմինների  և հատուկ ծառայությունների ղեկավարների խորհրդի նիստում հայտարարել է, որ Մեծ Բրիտանիան մասնակցել է «Սարդոստայն» գործողությանը, մինչդեռ ՆԱՏՕ-ի հատուկ ծառայությունները ներգրավված են եղել եվրոպական երկրներում անօդաչու թռչող սարքերի միջադեպերում, գրում է Meduza-ն։

Բորտնիկովի պնդմամբ՝ Ուկրաինայի «Սարդոստայն» գործողությունն իրականացվել է «բրիտանական հետախուզության անմիջական հսկողության ներքո՝ Ստամբուլում ուկրաինական և ռուսական պատվիրակությունների միջև բանակցություններից անմիջապես առաջ»։ Լոնդոնը նաև «հետագայում քարոզչական աջակցություն է ցուցաբերել՝ լրատվամիջոցներում կեղծ տեղեկություններ տարածելով ենթադրաբար պատճառված հսկայական վնասի և դիվերսիայի բացառիկ ուկրաինական «հեղինակության» մասին», հավելել է ռուս պաշտոնյան։

Բացի այդ, Լոնդոնի «և նրա գլխավորած «պատերազմի կուսակցության» հրահրմամբ», նշել է Բորտնիկովը, «հիստերիա է հրահրվում Արևելքից եկող երևակայական «սպառնալիքի» շուրջ»։ Այս ֆոնին սկսել են տեղի ունենալ «ԵՄ տարածքի վրա, ենթադրաբար, ռուսական անօդաչու թռչող սարքերի» հետ կապված միջադեպեր։

«Մասնագետները կասկած չունեն, որ այս միջադեպերի հետ կապված են ՆԱՏՕ-ի հատուկ ծառայությունները։ Հատկապես անօդաչու թռչող սարքերի սադրանքը Ռուսաստանի, այսպես կոչված, ստվերային նավատորմի հետ կապելուց հետո։ Հիշեցնեմ, որ սկզբում Լոնդոնն էր դրա դեմ պայքարի արշավի շարժիչ ուժը՝ ձգտելով կազմակերպել Կալինինգրադի և մեր նավերի ծովային շրջափակումը Բալթիկում»,- հայտարարել է ՌԴ ԱԴԾ ղեկավարը։

Բորտնիկովը նաև պնդում է, թե բրիտանական հատուկ ծառայությունները ծրագրում են օգտագործել «մարտական ​​լողորդների»՝ Ռուսաստանի կարևորագույն ենթակառուցվածքների վրա հարձակվելու համար: Նա նաև պնդում է, թե  ուկրաինական հատուկ ծառայությունները ծրագրում են դիվերսիոն գործողություններ կազմակերպել բրիտանական հետախուզության հետ համատեղ:

Հիշեցնենք, որ հունիսի 1-ին Ուկրաինայի անվտանգության ծառայության «Սարդոստայն» գործողության շրջանակում FPV անօդաչու թռչող սարքերը գրոհել էին ՌԴ Ռյազանի մարզի «Դյագիլևո», Մուրմանսկի մարզի «Օլենյա», Իրկուտսկի մարզի «Բելայա» և Իվանովոյի մարզի «Իվանովո» ռազմական օդանավակայանները։ Անօդաչու թռչող սարքերն արձակվել էին ավիաբազաների մոտ գտնվող մայրուղում կայանված բեռնատարներից։

Թարգմանությունը՝ Էմմա Չոբանյանի