11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հրապարակի «Հայփոստ»-ի շենքը մասնավորեցվում է․ Պետգույքի կառավարման կոմիտեի նախագահ․ ՏԵՍԱՆՅՈՒԹ
Տնտեսություն
15.10.2025 | 13:16
«Հրապարակի «Հայփոստ»-ի շենքը մասնավորեցվում է»,- այս մասին ԱԺ տնտեսական հարցերի մշտական հանձնաժողովի նիստում հայտնեց Պետական գույքի կառավարման կոմիտեի ղեկավար Առնակ Ավետիսյանը։
«Կառավարությունը 2023 թվականին ստեղծել է «Ռիփաբլիք պլազա» բաց բաժնետիրական ընկերությունը, որի կազմի մեջ պետք է ներառել Հրապարակի «Հայփոստ»-ի շենքը։ Ընկերության խնդիրը «Հայփոստ»-ի շենքի օգտագործման լավագույն հնարավորությունների բացահայտումն է, կառավարումը և ներդրումներ իրականացնելն է ու մասնավորեցման կազմակերպումը»,- մանրամասնեց պաշտոնյան։
Ավեստիսյանը նշեց, որ այն պիլոտային ծրագիր է, որով նախատեսվում է պետական սեփականություն համարվող անշարժ գույքի և բաժնետոմսերի վաճառքի կազմակերպման և կառավարման բնագավառում նոր գործիքակազմի կիրառում։
«Նպատակն է օտարման ենթակա ևներդրումային գրավչություն ունեցող գույքի հիման վրա բաժնետիրական ընկերության ստեղծում, բաժնեմասերի վաճառքի գրավչության բարձրացման ու վաճառքի իրականացման բնագավառում նոր մոտեցումների կիրառում»,- հավելեց նա։
Մանրամասները՝ տեսանյութում։
Մանյա Պողոսյան
