09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թրամփը հայտարարել է, որ Էրդողանը կարող է օգնել՝ վերջ դնել Ռուսաստանի և Ուկրաինայի միջև հակամարտությանը
Քաղաքականություն
14.10.2025 | 12:19
ԱՄՆ նախագահ Դոնալդ Թրամփը վստահություն է հայտնել, որ Թուրքիայի նախագահ Ռեջեփ Թայիփ Էրդողանը կարող է առանցքային դեր խաղալ Ռուսաստանի և Ուկրաինայի միջև հակամարտության վերջ դնելու գործում, գրում է BBC-ի ռուսական ծառայությունը։
«Էրդողանը կարող է։ Նրան հարգում են Ռուսաստանում։ Ես ոչինչ չեմ կարող ասել Ուկրաինայի մասին, բայց Պուտինը հարգում է նրան, իսկ նա (Թուրքիայի նախագահը) իմ ընկերն է»,- ասել է Թրամփը՝ պատասխանելով հարցին՝ արդյո՞ք Թուրքիայի առաջնորդը կարող է օգնել Ուկրաինայում իրավիճակի կարգավորմանը։
Երկուշաբթի ավելի վաղ Թրամփը և Եգիպտոսի նախագահ Աբդել Ֆաթթահ ալ-Սիսին եգիպտական Շարմ էլ Շեյխ հանգստավայրում հյուրընկալել էին ավելի քան 20 համաշխարհային առաջնորդների, այդ թվում՝ Թուրքիայի նախագահ Էրդողանին, որպեսզի ստորագրեն Գազայի հատվածում հրադադարի համաձայնագիրը։
Հիշեցնենք, որ սեպտեմբերին էլ Սպիտակ տանը Թուրքիայի ղեկավարի հետ հանդիպման ժամանակ Թրամփը հայտարարել էր, որ լավագույն բանը, որ կարող է անել Էրդողանը, ՌԴ-ից գազ ու նավթ չգնելն է, որը շարունակում է իր ագրեսիան Ուկրաինայի դեմ։
Թարգմանությունը՝ Էմմա Չոբանյանի
