18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մոսկվայի կենտրոնում չեչենների կողմից առևանգված բլոգեր Արեգ Շչեպիխինը 5 տարվա ազատազրկման է դատապարտվել
Քաղաքականություն
13.10.2025 | 21:56
Մոսկվայի Պրեսնենսկի դատարանը հայազգի բլոգեր Արեգ Շչեպիխինին դատապարտել է հինգ տարվա ազատազրկման՝ ատելություն հրահրելու և այլ հանցագործությունների մեղադրանքով, հայտնում է ՌԻԱ Նովոստին։
«Շչեպիխինին մեղավոր ճանաչել, դատապարտել նրան հինգ տարվա ազատազրկման ընդհանուր ռեժիմի ուղղիչ գաղութում»,- հայտարարել է դատավորը։
Դատարանը նաև Շչեպիխինին երկուսուկես տարով արգելել է կայքեր կառավարել։ Դատախազությունը միջնորդել էր հայազգի բլոգեր Արեգ Շչեպիխինին վեց տարվա ազատազրկման դատապարտել ընդհանուր ռեժիմի ուղղիչ գաղութում, գրում է Meduza-ն։ Դատախազության ներկայացուցիչը նաև խնդրել էր Շչեպիխինին չորս տարով արգելել կայքեր կառավարել։
Շչեպիխինը մեղադրվում է բռնության սպառնալիքով ատելություն հրահրելու (ՌԴ Քրեական օրենսգրքի 282-րդ հոդվածի 2-րդ մասի «ա» կետ), ծայրահեղականության կոչ անելու (280-րդ հոդվածի 2-րդ մաս) և հավատացյալների զգացմունքները վիրավորելու (148-րդ հոդվածի 1-ին մաս) մեջ։
Եզրափակիչ ճառերի ժամանակ պաշտպան Օքսանա Սոտնիկովան նշել է, որ Շչեպիխինը որևէ բռնություն չի կիրառել, ընդունել է մեղքը և զղջացել։ Նա խնդրել է մեղադրանքը վերաորակել բռնության սպառնալիքից բռնության սպառնալիքի խթանման, որն ավելի մեղմ հանցանք է։
«Իմ պաշտպանյալը խորապես ափսոսում է դրա համար, զղջում է և խնդրում է մեղմ պատիժ։ Ես խնդրում եմ, որ նա չզրկվի ազատությունից և ազատ արձակվի կալանքից դատարանի դահլիճում»,- հայտարարել է փաստաբանը։
Արեգ Շչեպիխինն առևանգվել էր հունիսի 3-ի երեկոյան Մոսկվայի Յարոսլավսկի կայարանի մոտ: Մի քանի անձինք բռնել էին նրան և ստիպողաբար նստեցրել սև Mercedes-ի բեռնախցիկը: Մոսկվայի ոստիկանությունը ձերբակալել է և՛ առևանգողներին, և՛ Շչեպիխինին: Հունիսի 6-ին դատարանը նրան կալանավորել էր:
Թարգմանությունը՝ Էմմա Չոբանյանի
