Փաշազադեն ՄԱԿ-ի գլխավոր քարտուղարին բողոքել է Հայ Առաքելական եկեղեցուց և հայկական սփյուռքից

Ստեղծված իրավիճակում, երբ Ադրբեջանի և Հայաստանի քաղաքական ղեկավարությունները ձգտում են խաղաղություն կառուցել կառուցողական համագործակցության մթնոլորտում, Հայ եկեղեցին և սփյուռքը անում են ամեն ինչ՝ այս գործընթացը խափանելու համար ոչնչացնող  քարոզչություն են  իրականացնում։ Ադրբեջանական լրատվամիջոցների հաղորդմամբ՝ ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ այս մասին հայտարարել է Կովկասի մահմեդականների վարչության նախագահ Շեյխ ուլ-Իսլամ Ալլահշուքյուր Փաշազադեն։

Նրա խոսքով՝ կրոնական առաջնորդները միշտ կոչ են անում խաղաղության. «Սակայն մենք տեսնում ենք, որ մինչ երկու երկրների քաղաքական ղեկավարությունները քայլեր են ձեռնարկում խաղաղության ուղղությամբ, Հայ եկեղեցին կոչ է անում ռևանշիզմի և նոր առճակատման»։

Փաշազադեն ՄԱԿ-ի գլխավոր քարտուղարին ասել է նաև, իբր, Արցախի տարածքներում բոլոր կրոնական և մշակութային վայրերի վերականգնման, երկրում միջկրոնական համագործակցության և միջկրոնական փոխըմբռնման, ինչպես նաև պետության և կրոնի միջև հարաբերությունների բարձր մակարդակի մասին։

Գուտերեշը, իր հերթին, Փաշազադեին հրավիրել է մասնակցելու ՄԱԿ-ի քաղաքակրթությունների դաշինքի հաջորդ գլոբալ ֆորումին, որը տեղի կունենա այս տարվա դեկտեմբերին Սաուդյան Արաբիայում։

Երբ է Փաշազադեն հանդիպել ՄԱԿ-ի գլխավոր քարտուղարին, չի հաղորդվում։

Հավելենք, որ Փաշազադեն պարբերաբար տարբեր մեղադրանքներ է հնչեցնում Հայ Առաքելական եկեղեցու հասցեին։

Թարգմանությունը՝ Էմմա Չոբանյանի