01.11.2026 | 13:33
Աննա Ավետիսյանն ու Ամերիկայի հայկական խորհրդի ներկայացուցիչները քննարկել են ներդրումային համագործակցությունը
Նուբարաշենի աղբավայրում տեսախցիկների տեղադրման նախապատրաստական աշխատանքներ են կատարվում. Երևանի քաղաքապետարան
13.10.2025 | 17:20
Նուբարաշենի աղբավայրի կրակն ամբողջությամբ մեկուսացված է, տարածքը պատված է հողով։ Այս մասին Factor.am-ին տեղեկացնում են Երևանի քաղաքապետարանից։
Կառույցից հայտնում են, որ այս օրերին 1041 մեքենա հող է տեղափոխվել աղբավայր, այս պահին տարածքում տեսախցիկների տեղադրման նախապատրաստական աշխատանքներ են իրականացվում։
Դեպքի առթիվ նախաձեռնված քրեական վարույթ կա։ Այն հարուցվել է Քրեական օրենսգրքի 369-րդ հոդվածի 1-ին մասի հատկանիշներով (վտանգավոր քիմիական կամ կենսաբանական նյութերի կամ թափոնների հետ վարվելու անվտանգության կանոնները խախտելը)։ Իրավապահ կառույցից վարույթի հետ կապված նոր մանրամասներ չեն հայտնում։
Հիշեցնենք՝ աղբավայրում հրդեհի բռնկման մասին ահազանգը ստացվել է հոկտեմբերի 9-ին ժամը 23։53-ին։ Հոկտեմբերի 10-ին Տիգրան Ավինյանը հանդես էր եկել տեսաուղերձով և ասել, որ դեպքը պատահական չէր, այլ դիտավորություն ու հայտնել, որ խոսել է ԱԱԾ տնօրենի և ՆԳ նախարարի հետ:
Անի Թամրազյան
