01.11.2026 | 18:39
Թայվանի հյուսիսարևելյան ափերի մոտ 5,6 մագնիտուդով երկրաշարժ է տեղի ունեցել
Ռուսական զորքերը 82 ԱԹՍ-ներով հարվածել են Ուկրաինային․ Օդեսայի մարզում պահեստներ են հրդեհվել
Քաղաքականություն
13.10.2025 | 15:56
Ռուսական զորքերը հոկտեմբերի լույս 13-ի գիշերը Ուկրաինային հարվածել են տարբեր տեսակի 82 անօդաչու թռչող սարքերով։ Այս մասին հայտնում է երկրի ռազմաօդային ուժերի հրամանատարությունը, փոխանցում է Current time-ը։
Ուկրաինական զինվորականների տվյալներով՝ ժամը 9:00-ի դրությամբ՝ ՀՕՊ ուժերը խոցել են 69 անօդաչու թռչող սարք։ Յոթ վայրերում գրանցվել է անօդաչու թռչող սարքերի տասներեք հարված, իսկ երկու վայրերում բեկորներ են ընկել։
Օդեսայի մարզային ռազմական վարչակազմի ղեկավար Օլեգ Կիպերը հայտնել է, որ հարձակման հետևանքով վնասվել են քաղաքացիական օբյեկտներ, մեկ մարդ վիրավորվել է։
«Զանգվածային հրդեհ է բռնկվել ավելի քան 5000 քառակուսի մետր տարածքում։ Կրակը կլանել է մի քանի պահեստներ, որտեղ պահվում էին գործվածքներ, հագուստ և փաթեթավորման նյութեր»,- գրել է նա։
Զապորոժիեի մարզի Պրեոբրաժենկա գյուղում էլ ռուսական անօդաչու թռչող սարքի կողմից քաղաքացիական մեքենայի վրա հարվածի հետևանքով երկու մարդ է զոհվել, հայտնել է մարզային ռազմական վարչակազմի ղեկավար Իվան Ֆյոդորովը։
«53-ամյա տղամարդը տեղում մահացել է, իսկ նրա 50-ամյա կինը մահացել է ստացած վնասվածքներից»,- գրել է նա տելեգրամում։
Թարգմանությունը՝ Էմմա Չոբանյանի
