20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքվում ընթանում է Ադրբեջանի, Ռուսաստանի և Իրանի ներկայացուցիչների եռակողմ հանդիպումը
Քաղաքականություն
13.10.2025 | 12:45
Բաքվում ընթանում է Ադրբեջանի, Ռուսաստանի և Իրանի կառավարությունների ներկայացուցիչների եռակողմ հանդիպումը։ Ադրբեջանական լրատվամիջոցների հաղորդմամբ՝ պատվիրակությունները գլխավորում են Ադրբեջանի փոխվարչապետ Շահին Մուստաֆաևը, ՌԴ փոխվարչապետ Ալեքսեյ Օվերչուկն ու Իրանի տրանսպորտի և քաղաքաշինության նախարար Ֆարզանե Սադիղը։
Մուստաֆաևն իր ելույթում հայտարարել է, որ հանդիպումը նվիրված է Ադրբեջանի, Իրանի և Ռուսաստանի միջև տրանսպորտի, էներգետիկայի և մաքսային ոլորտներում եռակողմ համագործակցության օրակարգի արդիական հարցերին։
«Եռակողմ ձևաչափով մեր կողմից անցկացվելիք քննարկումները մեծ նշանակություն ունեն մեր երկրների միջև առևտրատնտեսական, տրանսպորտային և էներգետիկ կապերի հետագա ընդլայնման համար։ Վստահ եմ, որ մեր բանակցությունները, որոնք ընթանում են կառուցողական և դրական հունով, կնպաստեն այս ոլորտներում երեք երկրների միջև փոխշահավետ համագործակցության հետագա ամրապնդմանը»,- հայտարարել է Մուստաֆաևը։
Նա նշել է, որ Ադրբեջան-Իրան-Ռուսաստան եռակողմ հարաբերությունների համատեքստում մեծ նշանակություն ունի տրանսպորտի, էներգետիկայի և մաքսային ոլորտներում համագործակցությունը։
Ավելի վաղ ադրբեջանական լրատվամիջոցները հայտնել էին, որ Ալեքսեյ Օվերչուկը ժամանելու է Բաքու՝ մասնակցելու Ադրբեջանի, Ռուսաստանի և Իրանի ներկայացուցիչների եռակողմ հանդիպմանը։
Թարգմանությունը՝ Էմմա Չոբանյանի
