29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ռուսաստանի և Ադրբեջանի միջև կապերը չէին դադարեցվել․ Պեսկով
Քաղաքականություն
12.10.2025 | 14:05
Ռուսաստանի և Ադրբեջանի կապերը ամբողջությամբ չեն դադարեցվել՝ չնայած երկկողմ հարաբերությունների բարդություններին։ Դրանք շարունակվել են, այդ թվում՝ վարչակազմերի և խորհրդականների մակարդակով, հայտարարել է ՌԴ նախագահի մամուլի խոսնակ Դմիտրի Պեսկովը։
«Կապերը, ըստ էության, չեն դադարեցվել։ Եվ արդարության համար պետք է ասել, որ չնայած այն հանգամանքին, որ մեր երկկողմ հարաբերությունների պատմության մեջ պահը ամենալավը չէր, այնուամենայնիվ, մեր առևտրատնտեսական համագործակցության ծավալները շարունակում էին աճել»,-ասել է Պեսկովը Россия 1-ի լրագրող Պավել Զարուբինին՝ մեկնաբանելով Ռուսաստանի և Ադրբեջանի հարաբերությունները։
Հիշեցնենք՝ հոկտեմբերի 9-ին՝ հինգշաբթի օրը, Տաջիկստանի մայրաքաղաք Դուշանբեում տեղի ունեցած երկկողմ հանդիպման ընթացքում Ռուսաստանի և Ադրբեջանի նախագահները քննարկել են երկկողմ հարաբերություններին վերաբերող հարցեր։ Պուտինը հանդիպումը սկսել է անդրադառնալով AZAL ավիաընկերության ինքնաթիռի վթարին, որը տեղի էր ունեցել Ակտաուում։
AZAL-ի ինքնաթիռի վթարը, որը թռչում էր Բաքվից Գրոզնի, տեղի է ունեցել 2024 թվականի դեկտեմբերի 25-ին։ Օդանավում եղել է 67 մարդ, որոնցից փրկվել է 29-ը։
