07.04.2026 | 20:00
ՀՀ-ի դեմ մեծ մարտահրավերներ կան, բայց լուրջ բանավեճ չկա ընտրություններին մասնակից ուժերի միջև․ Արամ Կարապետյան․ ՏԵՍԱՆՅՈՒԹ
ՀՀ կառավարությունը որոշում կայացրեց գործատուներին լրացուցիչ մեկ տարի ժամկետ տալ
25.10.2018 | 22:28
ՀՀ կառավարությունը որոշում կայացրեց գործատուներին լրացուցիչ մեկ տարի ժամկետ տալ՝ աշխատանքային գրքույկները ՀՀ աշխատանքի և սոցիալական հարցերի նախարարության սոցիալական ապահովության ծառայություն ներկայացնելու համար: Ըստ նախագծի հիմնավորման՝ «ՀՀ աշխատանքային օրենսգրքում փոփոխություն կատարելու մասին» ՀՀ օրենքի 57-րդ հոդվածի համաձայն` հիմնական աշխատավայրի գործատուն պարտավոր է 2017-ի հունվարի 1-ից հետո՝ երկու տարվա ընթացքում, իր մոտ վարվող աշխատանքային գրքույկները ներկայացնել ՀՀ կառավարության լիազորած պետական կառավարման մարմին՝ ՀՀ աշխատանքի և սոցիալական հարցերի նախարարության սոցիալական ապահովության ծառայություն` աշխատանքային գրքույկում առկա տեղեկատվությունը պետական կենսաթոշակային համակարգի տվյալների շտեմարան ներառելու նպատակով:Մինչ օրս 550 000 աշխատողների աշխատանքային գրքույկներից մշակվել է շուրջ 260000 աշխատանքային գրքույկ, 290000 աշխատանքային գրքույկ անհրաժեշտ է մշակել:
Ժամկետը լրանում է 2019 թվականի հունվարի 1-ին: Կառավարության որոշմամբ այդ ժամկետը երկարաձգվեց ևս մեկ տարով: Ակնկալվում է, որ սահմանված ժամկետում կմշակվեն բոլոր աշխատանքային գրքույկները:
