11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Պուտինը հայտարարել է, որ ՌԴ-ի և Ադրբեջանի հարաբերություններում ճգնաժամ չկա
Քաղաքականություն
10.10.2025 | 17:52
ՌԴ նախագահ Վլադիմիր Պուտինը հայտարարել է, որ Մոսկվայի ու Բաքվի հարաբերություններում ճգնաժամ չի եղել, այլ «հասկանալի պատճառներով զգացմունքների ճգնաժամ», գրում է Ինտերֆաքսը։
«Ես նույնիսկ չէի ասի, որ մեր միջպետական հարաբերություններում ինչ-որ ճգնաժամ կար։ Ինչո՞ւ։ Եթե դա միջպետական հարաբերություններում ճգնաժամ լիներ, ապա մենք առևտրատնտեսական կապերի աճ չէինք տեսնի։ Չնայած այն ամենին, ինչին բախվել ենք, ամեն դեպքում, աճը, զգալի աճը շարունակվել է։ Ի՞նչ ճգնաժամ է սա միջպետական հարաբերություններում։ Ես կասեի, որ դա, ամենայն հավանականությամբ, «զգացմունքների ճգնաժամ» էր։ Եվ հասկանալի է, թե ինչու, քանի որ մենք բախվել ենք շատ դժվար իրադարձության, ողբերգական իրադարձության՝ ինքնաթիռի և դրա ուղևորների կորստի հետ»,- Դուշանբեում լրագրողներին ասել է Պուտինը։
Նա նշել է, որ «Ադրբեջանական ավիաուղիներ» (AZAL) ավիաընկերության օդանավի վթարի հետաքննությունը պահանջել է զգալի, պատասխանատու և պրոֆեսիոնալ աշխատանք։
«Սա պահանջում է մեծ, ինտենսիվ, շատ պատասխանատու և պրոֆեսիոնալ աշխատանք»,- ասել է Պուտինը։
Հիշեցնենք, որ նախօրեին Պուտինը Դուշանբեում հանդիպում էր անցկացրել Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
