29.07.2026 | 16:19
Թուրքիայում անտառային հրդեհներ են մոլեգնում․ ՏԵՍԱՆՅՈՒԹ
Ինչ իրավիճակում է այժմ Շուշիի Սուրբ Ամենափրկիչ եկեղեցին․ ԼՈՒՍԱՆԿԱՐՆԵՐ
10.10.2025 | 22:33
Ադրբեջանն արտասահմանցիների հերթական քարոզչական այցն է կազմակերպել Արցախի տարածքներ։ Բաքվում կազմակերպված անհետ կորած անձանց հարցերով միջազգային կոնֆերանսի մասնակիցներն իրենց այցը սկսել են հայաթափված Մարտակերտից։
Նշվում է, թե հոկտեմբերի 9-11-ն անցկացվող համաժողովի մասնակիցներն այցելել են այստեղ զանգվածային գերեզմանոց, որտեղ, իբր, հայտնաբերվել են 10-ից ավելի ենթադրյալ ադրբեջանցի զինծառայողների մնացորդներ։
Այնուհետև հյուրերն այցելել են հայաթափված Շուշի։ Ադրբեջանական լրատվամիջոցների կողմից հրապարակված լուսանկարներից պարզ է դառնում, որ համաժողովի մասնակիցներն այցելել են նաև Շուշիի Սուրբ Ամենափրկիչ (Ղազանչեցոց) եկեղեցի։
Հիշեցնենք, որ 44-օրյա պատերազմի ընթացքում՝ 2020 թվականի հոկտեմբերի 8-ին, եկեղեցին երկու անգամ թիրախային հրթիռակոծության էր ենթարկվել ադրբեջանական ուժերի կողմից, այնուհետև ադրբեջանցիները հանել էին եկեղեցու գմբեթն ու հայտարարել անհասկանալի ռեստավրացիայի մասին։
Human Rights Watch իրավապաշտպան կազմակերպությունը նույնիսկ զեկույց էր հրապարակել Սուրբ Ամենափրկիչ եկեղեցու հրթիռակոծության մասին՝ այն համարելով պատերազմական հանցագործություն։
Ի դեպ, վաղը համաժողովի մասնակիցները կայցելեն Ջրականի շրջան, ինչպես նաև Կովսականի գյուղեր:
Թարգմանությունը՝ Էմմա Չոբանյանի
