19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ավտոբուսի կանգառում «Նավալնի» գրելու համար ռուսական դատարանը 14-ամյա աղջկան մեղավոր է ճանաչել վանդալիզմի մեջ
Քաղաքականություն
09.10.2025 | 22:00
ՌԴ Ստավրոպոլի Օկտյաբրսկի շրջանի դատավորը 14-ամյա դպրոցական աղջկան դատապարտել է 70 ժամվա հասարակական աշխատանքի՝ ավտոբուսի կանգառում «Նավալնի» գրելու համար, հաղորդում է Current time-ը։
Դեռահասը մեղավոր է ճանաչվել վանդալիզմի մեջ (ՌԴ Քրեական օրենսգրքի 214-րդ հոդվածի 1-ին մաս)։
Որպես գործով տուժող կողմ հանդես է եկել շրջանային վարչակազմը, որի ներկայացուցիչները, ըստ իրավապաշտպանների, հրաժարվել են կարճել գործը, բայց խնդրել են, որ դպրոցական աղջիկը ստանա նվազագույն պատիժ։
Աղջիկը ձերբակալվել է 2025 թվականի փետրվարի 16-ին՝ Ալեքսեյ Նավալնիի մահվան առաջին տարելիցին, սակայն ավելի ուշ ազատ է արձակվել գրավի դիմաց։ Նույն օրը անվտանգության ուժերը խուզարկել են նրա ծնողների բնակարանը և առգրավել դեռահասի հեռախոսը։
Հիշեցնենք, որ Յամալ-Նենեցի ինքնավար օկրուգի Դաշնային քրեակատարողական ծառայությունը ընդդիմադիր գործիչ Ալեքսեյ Նավալնիի մահվան մասին հայտարարել էր 2024 թվականի փետրվարի 16-ին: Գերատեսչության տվյալներով՝ քաղաքական գործիչը «զբոսանքից հետո իրեն վատ է զգացել, գրեթե անմիջապես կորցրել է գիտակցությունը», և վերակենդանացման միջոցառումներն անհաջող են եղել: Նավալնիի մարմինը մորը չի հանձնվել մեկ շաբաթ շարունակ:
Վերջերս գործչի կինը՝ Յուլիա Նավալնայան հայտարարել էր, որ Ալեքսեյ Նավալնիին թունավորել են բանտում ու մանրամասներ բացահայտել։
Թարգմանությունը՝ Էմմա Չոբանյանի
