17.03.2026 | 16:19
Անվտանգության խորհրդի նիստում քննարկվել են տարածաշրջանում առկա իրավիճակն ու ընթացիկ զարգացումները
Ռուսական բանակը զանգվածային հարված է հասցրել Օդեսայի մարզին․ վիրավորներ կան
Քաղաքականություն
09.10.2025 | 14:19
Ռուսական զորքերը զանգվածային հարված են հասցրել Ուկրաինայի Օդեսայի մարզին, որի հետևանքով վիրավորվել է հինգ մարդ։ Այս մասին հայտնել է տարածաշրջանային ռազմական վարչակազմի ղեկավար Օլեգ Կիպերը, գրում է Current time-ը։
Նրա խոսքով՝ հարձակումը հրդեհներ է առաջացրել երկու մասնավոր տներում, բենզալցակայանի վարչական շենքում և նավահանգստում։ Վնասվել են ևս չորս մասնավոր տներ։ Նավահանգստում հրդեհվել են բուսական յուղ և փայտ պարունակող տարաներ։ Ավելի քան 30,000 հաճախորդ մնացել է առանց էլեկտրաէներգիայի։ Չեռնոմորսկի իշխանությունները հայտնել են, որ կարևորագույն ենթակառուցվածքներն աշխատում են գեներատորներով, իսկ քաղաքացիական ենթակառուցվածքներն ու մասնավոր տները վնասվել են։
Զապորոժիեի շրջանում հարվածների հետևանքով մեկ մարդ վիրավորվել է։ Հրդեհվել է մասնավոր տուն, վնասվել են գազատար և էլեկտրահաղորդման գծեր, հայտնում է Ուկրաինայի արտակարգ իրավիճակների պետական ծառայությունը։
Ուկրաինայի ռազմաօդային ուժերի տվյալներով՝ ռուսական զորքերը երկրի ուղղությամբ արձակել են տարբեր տեսակի 112 անօդաչու թռչող սարք, որոնցից 87-ը խոցվել է։
Թարգմանությունը՝ Էմմա Չոբանյանի
