29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Կանադայի վարչապետը Թրամփի հետ հանդիպմանը խոսել է ՀՀ-Ադրբեջան կարգավորման գործում ԱՄՆ նախագահի դերից
Քաղաքականություն
08.10.2025 | 12:45
Կանադայի վարչապետ Մարկ Քարնին Սպիտակ տանը ԱՄՆ նախագահ Դոնալդ Թրամփի հետ հանդիպմանն անդրադարձել է նաև Հայաստան-Ադրբեջան խաղաղության գործընթացին։ Մասնավորապես, Քարնին գովաբանել է Թրամփի արտաքին քաղաքականության հմտությունը՝ թվարկելով այն հակամարտությունները, որոնցում ԱՄՆ նախագահը միջամտել է՝ վերջ դնելով դրանց, փոխանցում է CNN-ը։
Ամերիկացի գործընկերոջը «տրանսֆորմացիոն նախագահ» անվանելով՝ Քարնին խոսել է Հնդկաստանի և Պակիստանի, ինչպես նաև Ադրբեջանի և Հայաստանի միջև առկա հակամարտությունների մասին՝ եզրափակելով Թրամփի՝ Գազայում խաղաղություն հաստատելու վերջին ջանքերով։
«Ժամանակը սպառվում է, բայց սա շատ առումներով ամենակարևորն է…»,- սկսել է Քարնին։
«Կանադայի և Միացյալ Նահանգների միավորո՞ւմը»,- կատակով միջամտել է Թրամփը։
«Ո՛չ»,- ժպիտով արձագանքել է Քարնին՝ հավելելով, որ այլ բան նկատի ուներ։
Հաղորդվում է, որ հանդիպումն անցել է ջերմ մթնոլորտում, որտեղ հիմնականում խոսել է Թրամփը։ Այնուամենայնիվ, ըստ հրապարակման՝ այս պահն ընդգծել է երկրների միջև հարաբերությունների լուրջ վատթարացումը Թրամփի Սպիտակ տուն վերադառնալուց հետո։
Թարգմանությունը՝ Էմմա Չոբանյանի
