18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Վարանդայում Թուրքմենստանի կողմից կառուցվելիք մզկիթի հիմքն է դրվել
07.10.2025 | 22:13
Գաբալայում Թյուրքական պետությունների ղեկավարների խորհրդի 12-րդ գագաթնաժողովին մասնակցող այլ պետությունների և կառավարությունների ղեկավարները՝ Ադրբեջանի նախագահ Իլհամ Ալիևի Թուրքմենստանի խորհրդարանի վերջին պալատի նախագահ Գուրբանգուլի Բերդիմուհամեդովի մասնակցությամբ, Վարանդայում Թուրքմենստանի կողմից կառուցվելիք մզկիթի խորհրդանշական հիմնաքարն են դրել։ Միջոցառումը տեղի է ունեցել առցանց։
Ադրբեջանական լրատվամիջոցների հաղորդմամբ՝ մզկիթի համալիրը կզբաղեցնի ավելի քան մեկ հեկտար տարածք։ Կկանգնեցվի երկու մինարեթ՝ յուրաքանչյուրը 40 մետր բարձրությամբ։ Գլխավոր գմբեթը կլինի 30 մետր բարձրությամբ։ Այն կկարողանա միաժամանակ տեղավորել 500 մարդու։
Հավելենք, որ Թյուրքական պետությունների կազմակերպության անդամ ու դիտորդ երկրներն Արցախում տարբեր օբյեկտներ են կառուցում։
Թուրքմենստանի կողմից Վարանդայում (Ֆիզուլի) մզկիթի կառուցման հետ մեկտեղ՝ նույն շրջանում Ուզբեկստանի կողմից Միրզա Ուլուղբեկի դպրոցն է կառուցվել, Ղազախստանի կողմից՝ Կուրմանգազիի մանկական արվեստի կենտրոնը, Ղրղզստանի կողմից Ակնայում՝ Մանաս դպրոցը, Հունգարիայի կողմից Ջրականում կառուցվում է դպրոց, թուրքական ընկերություններն էլ մասնակցում են բազմաթիվ թունելների, կամուրջների և ճանապարհների կառուցմանը։
Թարգմանությունը՝ Էմմա Չոբանյանի
