25 միլիոն դրամ եկամուտ՝ ընկերներից ու հարազատներից, 10 անշարժ գույք․ Փարաքարի նորընտիր ղեկավարի ունեցվածքը

Քաղաքականություն

07.10.2025 | 18:10

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

Այսօր պաշտոնը ստանձնած Փարաքարի նորընտիր համայնքապետ Օնիկ Ախվերդյանը տասնյակի հասնող անշարժ գույք, հարյուր հազարավոր դոլարների բանկային ավանդներ ունի։

Factor.am-ն ուսումնասիրել է համայնքի ղեկավարի 2024 թվականի գույքի, եկամուտների, ծախսերի և շահերի հայտարարագիրը, որում նշված է՝ համայնքի ղեկավարը բնակվում է անչափահաս որդու և կնոջ հետ։ Վերջինս «Օնիկ Ախվերդյան» ԱՁ-ում դերձակ է աշխատում։

Ախվերդյանը մինչև 2024 թվականը 8 անշարժ գույք է հայտարարգրել, որոնցից 2-ը ՝ Ռուսաստանի Դաշնությունում, 3-ը՝ Երևանում, 3-ը՝ Փարաքարում։ ՌԴ-ում գտնվող անշարժ գույքերից մեկն ավտոտնակ է, մյուսը՝ բնակարան։ Եվս 2 բնակարան Երևանում է և մեկ հողամաս Մալաթիա-Սեբաստիա վարչական շրջանում։ 2014-ին գնված հողամասի վրա հետագայում բնակելի տուն է կառուցվել։ 2024-ին այն օտարվել է Ռոման Նավասարդյանին՝ 77 միլիոն 200 հազար դրամով։

Այս բոլորին, ինչպես նաև Փարաքարում նոր կառուցված ևս մեկ անշարժ գույքի Ախվերդյանը միանձնյա է տիրապետում։ Փարաքարում գտնվող ևս մեկ նոր կառուցված անշարժ գույք և հողամաս համատեղ սեփականությամբ են տնօրինվում։

2024 թվականին ավագանու անդամի պաշտոնը զբաղեցնող Օնիկ Ախվերդյանը ևս 3 անշարժ գույք է ձեռք բերել՝ 1 հողամաս (Փարաքար), 2 ավտոկայանատեղի (Երևան)։ Դրանք նույնպես Ախվերդյանը միանձնյա է տիրապետում։ Ավտոկայանատեղիներից յուրաքանչյուրի արժեքը 6 միլիոն դրամ է, իսկ հողամասինը՝ 3 միլիոն 650 հազար դրամ։

Նա հայտարարագրել է նաև 2023 թվականի արտադրության Toyota, 2022-ին թողարկված Mitsubishi և Mercedes, 1998-ին թողարկված Opel, որն Ախվերդյանը նվիրատվություն է ստացել։ 4 բանկային ավանդ է հայտարարագրվել՝ ընդհանուր 137, 350 դոլարի չափով։

Փարաքարի նորանշանակ ղեկավարը նաև թանկարժեք զարդ է հայտարարագրել՝ 10 հազար դոլար արժողությամբ, որը նվիրատվություն է ստացել։ Բանկային հաշիվների մնացորդը տարվա վերջում կազմել է 129 հազար 193 դրամ, կանխիկը՝ 4,5 միլիոն դրամ։

Ախվերդյանը 2024-ին ստացված եկամուտների 3 աղբյուր է հայտարարգրել։ «Օնիկ Ախվերդյան» ԱՁ-ից ամբողջ տարվա ընթացքում 970 հազար դրամ եկամուտ է ստացել։ Ընկերներից, հարազատներից 25 միլիոն դրամի չափով եկամուտ է ստացել։ 3-րդ եկամտի աղբյուրը Երևանում գտնվող բնակելի տան վաճառքն է եղել (77,200,000 դրամ)։

Պաշտոնյաները նաև հայտարարագրում են 2 միլիոն դրամը կամ դրան համարժեք արտարժույթը գերազանցող միանվագ ծախսեր։ 2024-ին Ախվերդյանը նման 15 միլիոն 650 հազար դրամի ծախս է կատարել՝ 3 մուտքով։

Համայնքի ղեկավարի կինը՝ Աննա Ախվերդյանը, ևս մեկ բնակարան է հայտարարագրել Երևանի Կենտրոն վարչական շրջանում, այն միանձնյա է տնօրինում, գնել է 2022-ին։ 2023-ին 2019-ին թողարկված GAZ մակնիշի բեռնատար է գնել։

Աննա Ախտոյանը նաև կանխիկ դրամ է հայտարարագրել՝ 250 հազար դրամի չափով, ինչպես նաև 2 աղբյուրից ստացված եղամուտ՝ 1 միլիոն 196 հազար դրամի չափով։ «Օնիկ Ախվերդյան» ԱՁ-ից՝ 446 հազար դրամ, ընկերներից ու հարազատներից՝ 750 հազար դրամ։

Ինչպես ավելի վաղ հայտնել ենք, Արմավիրի մարզի Փարաքար խոշորացված համայնքի ավագանին այսօր՝ սեպտեմբերի 7-ին, համայնքի ղեկավար ընտրեց «Միասնություն» դաշինքը ներկայացնող Ախվերդյանին։ Ավագանու 3 խմբակցություններից միայն «Միասնություն» խմբակցությունն էր առաջադրել համայնքի ղեկավարի թեկնածու։ Ախվերդյանը «Ապրելու երկիր» կուսակցության անդամ է։

Եվգենյա Համբարձումյան