19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
Պեսկովը Պուտին-Ալիև հեռախոսազրույցից մանրամասներ է հայտնել
Քաղաքականություն
07.10.2025 | 16:37
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ադրբեջանի նախագահ Իլհամ Ալիևը շնորհավորել է Ռուսաստանի նախագահ Վլադիմիր Պուտինին ծննդյան օրվա կապակցությամբ, սակայն երկու առաջնորդները քննարկել են նաև այլ հարցեր։ Զրույցը կարևոր էր։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Իսկապես, նախագահ Ալիևը հեռախոսով շնորհավորել է նախագահ Պուտինին ծննդյան օրվա կապակցությամբ: Քննարկվել են նաև այլ հարցեր։ Դա շատ կարևոր էր»,- ասել է Կրեմլի խոսնակը։
Հիշեցնենք, որ Ադրբեջանի նախագահականի մամուլի ծառայությունը հաղորդել էր, որ Ալիևը զանգահարել և շնորհավորել է Ռուսաստանի նախագահին ծննդյան օրվա կապակցությամբ։ Նշվում է, որ հեռախոսազրույցի ընթացքում նրանք մտքեր են փոխանակել Ադրբեջանի և Ռուսաստանի միջև հարաբերությունների ներկա վիճակի և հեռանկարների վերաբերյալ։
Պուտինի և Ալիևի միջև նախորդ անձնական հեռախոսազրույցը տեղի է ունեցել 2024 թվականի դեկտեմբերին։ Այն, մասնավորապես, կենտրոնացել էր Ղազախստանում Ռուսաստանի օդային տարածքում կործանված «Ադրբեջանական ավիաուղիներ» ավիաընկերության օդանավի հետ կապված միջադեպի վրա։ Այնուհետև Ռուսաստանի նախագահը մարտի կեսերին հեռախոսազրույց էր ունեցել իր ադրբեջանցի գործընկերոջ հետ։ Զրույցին, որը Կրեմլը որակել էր որպես ջերմ և բարեկամական, մասնակցել էին նաև Բելառուսի և Տաջիկստանի նախագահներ՝ Ալեքսանդր Լուկաշենկոն և Էմոմալի Ռահմոնը։
Ավելի վաղ Ռուսաստանի և Ադրբեջանի նախագահներ Վլադիմիր Պուտինն ու Իլհամ Ալիևը Պեկինում Երկրորդ համաշխարհային պատերազմում հաղթանակի 80-ամյակին նվիրված հանդիսավոր շքերթից առաջ միմյանց ողջունել էին, սակայն բովանդակալից շփում չէր եղել։
Թարգմանությունը՝ Էմմա Չոբանյանի
