05.12.2025 | 17:03
Որքան մարդ է ծնվել և մահացել ՀՀ-ում 2024 թվականին
Ադրբեջանն ու Մեծ Բրիտանիան ռազմական համագործակցության հարցեր են քննարկել
Քաղաքականություն
06.10.2025 | 20:49
Ադրբեջանի պաշտպանության նախարար Զաքիր Հասանովը հանդիպել է Բաքվում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ֆերգուս Օլդի հետ։ Ադրբեջանի պաշտպանության նախարարության մամուլի ծառայության հաղորդմամբ՝ Հասանովը նշել է, որ Ադրբեջանի և Մեծ Բրիտանիայի հարաբերությունները, ինչպես մյուս ոլորտներում, հատուկ նշանակություն ունեն ռազմական ոլորտում, և այս համագործակցությունը կնպաստի երկու երկրների զինված ուժերի զարգացմանը։
Օլդն իր հերթին գոհունակություն է հայտնել երկու երկրների միջև համագործակցության ներկայիս մակարդակից և ընդգծել նման հանդիպումների կարևորությունը երկկողմ հարաբերությունների հետագա զարգացման համար։
Հանդիպմանը մասնակցել է նաև Ադրբեջանում Բրիտանիայի դեսպանատանռազմական կցորդ Գևին Թարբարդը։ Կողմերը քննարկել են ռազմական համագործակցության զարգացման հեռանկարները, տարածաշրջանային անվտանգության հարցերը և փոխադարձ հետաքրքրություն ներկայացնող մի շարք թեմաներ։
Թարգմանությունը՝ Էմմա Չոբանյանի
