16.02.2026 | 19:00
Կաթողիկոսին կարող են ձերբակալել, եթե ՔՊ-ն հաղթի հունիսի 7-ին․ մեղադրանքի առաջադրումը կանխատեսելի էր․ Անի Սամսոնյան․ ՏԵՍԱՆՅՈՒԹ
Մոսկվան հերքում է Գերմանիայի տարածք ԱԹՍ-ներ արձակելու մեղադրանքները
Քաղաքականություն
06.10.2025 | 15:23
Ռուսաստանին Գերմանիայի տարածքում անօդաչու թռչող սարքերի արձակման մեջ մեղադրելու հիմքեր չկան։ Այս մասին հայտարարել է Կրեմլի խոսնակ Դմիտրի Պեսկովը, գրում է Ինտերֆաքսը։
«Եվրոպայում կան շատ քաղաքական գործիչներ, որոնք այժմ հակված են ամեն ինչի համար մեղադրել Ռուսաստանին։ Նրանք միշտ դա անում են առանց հիմքերի, և մենք այդպես ենք վերաբերվում այս հայտարարություններին։ Անօդաչու թռչող սարքերի հետ կապված այս պատմությունը, մեղմ ասած, իսկապես տարօրինակ է։ Բայց, մյուս կողմից, Ռուսաստանին մեղադրելու հիմքեր չկան»,- ասել է Պեսկովը։
Նա այսպես է արձագանքել Գերմանիայի կանցլեր Ֆրիդրիխ Մերցի հայտարարություններին, որ Գերմանիայի տարածքում անօդաչու թռչող սարքերի արձակման հետևում կարող է կանգնած լինել Ռուսաստանը։
«Հենց այսօր կարդացի, որ եվրոպական քաղաքներից մեկում անօդաչու թռչող սարք փորձարկելիս տեղացի ավիացիայի սիրահար է ձերբակալվել։ Նրանք կալանավորել են ինչ-որ տղայի և պարզել, որ նա ավիացիայի սիրահար է։ Ավելին, նշվում է, որ այդ տղան որևէ կապ չունի Ռուսաստանի հետ։ Սա մեկ կոնկրետ, փոքր մասնավոր օրինակ է, բայց, գուցե, պետք է ընդլայնել հորիզոնները»,- ասել է Կրեմլի խոսնակը։
Հիշեցնենք, որ Գերմանիայի կանցլեր Ֆրիդրիխ Մերցը գերմանական ARD-ի եթերում հայտարարել էր, որ վերջին շաբաթներին Գերմանիայի քաղաքների և Դանիայի երկնքում նկատված անօդաչու թռչող սարքերի արձակման մեծ մասի հետևում կանգնած է Ռուսաստանը։
«Մենք ենթադրում ենք, որ այս անօդաչու թռչող սարքերի թռիչքների մեծ մասի հետևում կանգնած է Ռուսաստանը։ Նախևառաջ, կարող եմ հանգստացնել հանրությանը։ Մինչ օրս մենք չենք ունեցել զինված անօդաչու թռչող սարքերի կիրառման հետ կապված որևէ միջադեպ կամ վթար։ Եղել են միայն լրտեսության փորձեր։ Եվ նաև հանրությանը տագնապի մատնելու փորձեր»,- ասել էր Մերցը։
Թարգմանությունը՝ Էմմա Չոբանյանի
