28.04.2026 | 23:24
Երևանում երթևեկության փոփոխություն կկատարվի
Ռամզան Կադիրովին 2-րդ անգամ շնորհվել է «Չեչենական Հանրապետության հերոսի» կոչումը
Քաղաքականություն
05.10.2025 | 19:51
Չեչենական Հանրապետության ղեկավար Ռամզան Կադիրովին կրկին շնորհվել է «Չեչենական Հանրապետության հերոս» բարձրագույն կոչումը։ Պարգևը նրան հանձնել է Չեչնիայի վարչապետ Մագոմեդ Դաուդովը՝ Գրոզնիում նոր կառավարական համալիրի բացման ժամանակ։
Պարգևատրման հիմնավորումը հետևյալն է․ «Պետության նկատմամբ ունեցած բացառիկ վաստակի, ժողովրդին անվերապահ ծառայության, անձնական խիզախության, երկարամյա նվիրված պետական և հասարակական գործունեության համար, որն ուղղված է հանրապետության բարգավաճմանն ու սոցիալ-տնտեսական ներուժի բարձրացմանը»։
Նախորդ անգամ Կադիրովը այս կոչումը ստացել էր 2023թ. փետրվարի 24-ին, Ռուսաստանի՝ Ուկրաինայի դեմ լայնածավալ պատերազմը սկսելու տարելիցին։ Նա դարձել է այդ կոչումը ստացած առաջին մարդը, պարգևը կրկին Դաուդովն էր հանձնել։
Նույն տարվա հոկտեմբերին «Չեչենական Հանրապետության հերոս» կոչումը շնորհվել էր Կադիրովի 15-ամյա որդուն՝ Ադամ Կադիրովին։
