09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Թրամփը ժամանակ է տվել ՀԱՄԱՍ-ին մինչև կիրակի երեկո՝ Գազայի խաղաղության պլանը ընդունելու համար
Քաղաքականություն
03.10.2025 | 22:52
ԱՄՆ նախագահ Դոնալդ Թրամփը հայտարարել է, որ պաղեստինյան ՀԱՄԱՍ խմբավորումը պետք է մինչև կիրակի երեկո ընդունի Գազայի հատվածում խաղաղության հաստատման իր ծրագիրը: Սպիտակ տան ղեկավարը հավելել է, որ եթե դա տեղի չունենա, ՀԱՄԱՍ-ի գրոհայինները կոչնչացվեն:
«ՀԱՄԱՍ-ի հետ համաձայնությունը պետք է ձեռք բերվի մինչև Վաշինգտոնի ժամանակով կիրակի երեկոյան՝ ժամը 18:00-ն: Դրա տակ ստորագրել են բոլոր երկրները։ Եթե համաձայնագիրը ստորագրելու այս վերջին հնարավորությունը չիրականացվի, ՀԱՄԱՍ-ն այնպիսի դժոխքում կհայտնվի, որը նախկինում ոչ ոք չի տեսել: Մերձավոր Արևելքում խաղաղությունն այսպես թե այնպես կհաստատվի», – ասված է Թրամփի` Truth Social-ում արված գրառման մեջ:
20 կետից բաղկացած պլանը լիովին բացառում է ՀԱՄԱՍ-ի մասնակցությունը Գազայի կառավարմանը և ապագայում պաղեստինյան պետության ստեղծման հնարավորություն է թողնում:
Այնուամենայնիվ, ծրագրի հայտարարությունից կարճ ժամանակ անց Նեթանյահուն կրկին ընդգծել է, որ շարունակում է դեմ հանդես գալ պաղեստինյան պետության ստեղծմանը:
