11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Ադրբեջանի կողմից պետական դավաճանության մեղադրանքով Թուրքիայում և Հորդանանում 4 անձ է ձերբակալվել, այդ թվում՝ մեկ զինվորական
Քաղաքականություն
03.10.2025 | 23:09
Ադրբեջանում չորս անձ, այդ թվում՝ մեկ զինծառայող, մեղադրվում է պետական դավաճանության մեջ։ Քրեական գործը, որի նախաքննությունն ավարտվել է Պետական անվտանգության ծառայության (ՊԱԾ) կողմից, հավաքված նյութերի հետ միասին ուղարկվել է Բաքվի զինվորական դատարան, գրում են ադրբեջանական լրատվամիջոցները։
Այս անձինք ավեի վաղ ձերբակալվել են։
Տեղեկությունների համաձայն՝ Իլկին Գանբարովը և զինծառայող Վյուսալ Աղաևը, որոնք մեղադրվում են պետական դավաճանության մեջ՝ այլ երկրի հետախուզության մարմիններին օգնելու համար, ձերբակալվել և դատարանի առաջ են կանգնել Պետական անվտանգության ծառայության կողմից ձեռնարկված միջոցառումների արդյունքում։
Պետական անվտանգության ծառայության կողմից իրականացվող գործողությունների ընթացքում Թուրալ Ալիևը ձերբակալվել է Հորդանանում, իսկ Մամեդ Շարիֆովը՝ Թուրքիայում։ Նրանք բերվել են Ադրբեջան։ Նրանց մեղադրանք է առաջադրվել Ադրբեջանի քրեական օրենսգրքի 274-րդ հոդվածով (պետական դավաճանություն)։ Այս հոդվածը նախատեսում է 12-ից 20 տարի ազատազրկում կամ ցմահ ազատազրկում՝ կախված գործի հանգամանքներից։
Թարգմանությունը՝ Էմմա Չոբանյանի
