Ստամբուլում գաղտնի գործողության արդյունքում իսրայելական Մոսադի լրտես է ձերբակալվել

Թուրքիայի Ազգային հետախուզական կազմակերպությունը (MIT), համագործակցելով Ստամբուլի գլխավոր դատախազության և Ստամբուլի ոստիկանության հակաահաբեկչական բաժնի հետ, համատեղ գործողության ընթացքում ձերբակալել է Սերքան Չիչեքին՝ պարզելուց հետո, որ նա աշխատում է Իսրայելի հետախուզական ծառայության՝ Մոսադի համար, գրում է Turkiye today-ը։

MIT-ի հետախուզության արդյունքում բացահայտվել է, որ Չիչեքը կապի մեջ է եղել Իսրայելի առցանց գործողությունների կենտրոնի անդամ Ֆայսալ Ռաշիդի հետ։ Չիչեքը Ռաշիդից ստացել է լրտեսության հանձնարարություն՝ ուղղված Իսրայելի Մերձավոր Արևելքի քաղաքականությանը դեմ պաղեստինցի ակտիվիստին։

MIT-ի հետաքննությունը պարզել է, որ Չիչեքը, որի իրական անունը Մուհամմեթ Ֆաթիհ Քելեշ է, փոխել է իր անունը՝ գործարար կյանքում զգալի պարտքեր կուտակելուց հետո։ Ինքնության փոփոխությունից հետո Չիչեքը հրաժարվել է առևտրից և 2020 թվականին հիմնադրել է Pandora գործակալությունը՝ սկսելով աշխատել որպես մասնավոր խուզարկու։ Այս ընթացքում նա հանդիպել է Մուսա Քուշի և փաստաբան Թուղրուլհան Դիփի հետ։ Քուշը, որը ներկայում բանտարկված է Իսրայելի օգտին լրտեսության համար, օգնել է հանրային աղբյուրներից անձնական տվյալներ ստանալու հարցում՝ դրամական պարգևի դիմաց։ Չիչեքն իր հետախույզական գործունեության շրջանակում աշխատել է ինչպես բանտարկված Մուսա Քուշի, այնպես էլ փաստաբան Թուղրուլհան Դիփի հետ։

Այդ ընթացքում Չիչեքը գրավել է Իսրայելի գաղտնի ծառայության Մոսադի գործակալների ուշադրությունը: Մոսադի անդամ Ռաշիդը, ներկայանալով որպես արտասահմանյան իրավաբանական ընկերության աշխատակից, հուլիսի 31-ին կապ է հաստատել Չիչեքի հետ WhatsApp-ի միջոցով: Ռաշիդը խնդրել է, որ Չիչեքը չորս օր հսկողություն իրականացնի Բաշաքշեհիրում բնակվող պաղեստինցի ակտիվիստի նկատմամբ, որը դեմ էր Իսրայելի Մերձավոր Արևելքի քաղաքականությանը։ Այս աշխատանքի համար Ռաշիդը օգոստոսի 1-ին Սերքան Չիչեքին վճարել է 4000 դոլարի կրիպտոարժույթ։

Երբ Չիչեքն առցանց փնտրել է թիրախի անունը, իմացել է, որ նա պաղեստինցի ակտիվիստ է։ Նշվում է, որ չնայած իմանալով, որ Մուսա Քուսը բանտարկվել է 19 տարվա ազատազրկման՝ Իսրայելի օգտին աշխատելու համար, Չիչեքն ընդունել է Ռաշիդի առաջարկը։

Թարգմանությունը՝ Էմմա Չոբանյանի