01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ալիևը հայտարարել է, որ Երևանն ու Բաքուն «ադապտացվել են խաղաղ պայմաններում կյանքին»
Քաղաքականություն
02.10.2025 | 18:26
Բաքուն մանրամասներ է հայտնել այսօր ավելի վաղ Կոպենհագենում Եվրոպական քաղաքական համայնքի շրջանակում Ադրբեջանի նախագահ Իլհամ Ալիևի, ԵՄ Խորհրդի նախագահ Անտոնիո Կոշտայի և Եվրոպական հանձնաժողովի նախագահ Ուրսուլա ֆոն դեր Լեյենի հանդիպման վերաբերյալ:
Ըստ ադրբեջանական կողմի՝ Կոշտան և ֆոն դեր Լեյենը շնորհավորել են Ալիևին Վաշինգտոնում Հայաստանի և Ադրբեջանի միջև խաղաղության օրակարգի շուրջ ձեռք բերված հաջողությունների համար։ Նրանք նաև հույս են հայտնել, որ դա կնպաստի տարածաշրջանում երկարատև խաղաղությանը։ ԵՄ խորհրդի նախագահն ու Եվրահանձնաժողովի նախագահն ընդգծել են խաղաղության աջակցելու իրենց շարունակական ջանքերը։ Նրանք նաև նշել են, որ տարածաշրջանում տրանսպորտային հաղորդակցությունների զարգացումը կարևոր ոլորտ է Եվրամիության համար։
Հանդիպման ժամանակ նրանք նաև անդրադարձել են Ադրբեջանի դերին ԵՄ էներգետիկ անվտանգության մեջ՝ նշելով, որ ԵՄ-ի և Ադրբեջանի միջև 2022 թվականին կնքված ռազմավարական էներգետիկ գործընկերության համաձայնագրի համաձայն՝ աճել է ադրբեջանական գազի եվրոպական շուկա արտահանման ծավալը։
Ալիևը նշել է, որ խաղաղության օրակարգի հետ կապված ձեռքբերումները պատմական նշանակություն ունեն ամբողջ տարածաշրջանի, այդ թվում՝ Հայաստանի և Ադրբեջանի համար։ Նա ասել է, որ և՛ Երևանը, և՛ Բաքուն «ադապտացվել են խաղաղ պայմաններում կյանքին»՝ հավելելով, որ «ադրբեջանական կողմը կշարունակի խաղաղության օրակարգն առաջ մղելու ջանքերը»։
Նշելով, որ 10 եվրոպական երկիր, այդ թվում՝ ԵՄ անդամ ութ պետություններ, ներկայում գնում են ադրբեջանական գազ, Ալիևն ասել է, որ դա կարևոր ներդրում է ԵՄ էներգետիկ անվտանգության գործում։
Նշելով Ադրբեջանի դերը Միջին միջանցքի զարգացման գործում, Ադրբեջանի ղեկավարը խոսել է երկրում տրանսպորտային և լոգիստիկ ենթակառուցվածքների զարգացման ուղղությամբ տարվող աշխատանքների մասին։ Նա նշել է, որ Կենտրոնական Ասիայից Ադրբեջանի միջոցով բեռնափոխադրումների ծավալն այժմ աճում է։
Թարգմանությունը՝ Էմմա Չոբանյանի
