03.10.2026 | 20:41
Հայաստանի ներկայացուցիչը սենսացիոն հաղթանակ տարավ աշխարհի առաջին ռակետի նկատմամբ. ՏԵՍԱՆՅՈՒԹ
Կրեմլը մեկնաբանել է ՌԴ-ի խորքին հարվածելու համար ԱՄՆ-ից Կիևին տրամադրվող հետախուզական տվյալների մասին լուրերը
Քաղաքականություն
02.10.2025 | 17:33
Ռուսաստանի նախագահի մամուլի քարտուղար Դմիտրի Պեսկովը, մեկնաբանելով լրատվամիջոցների տեղեկություններն այն մասին, որ ԱՄՆ-ը, հնարավոր է, հետախուզական տվյալներ կփոխանցի Ուկրաինային՝ Ռուսաստանի խորքային թիրախներին, մասնավորապես, էներգետիկ ենթակառուցվածքներին հարվածներ հասցնելու համար, նշել է, որ «դրանք դատարկ տեղը չեն առաջանում», գրում է Ինտերֆաքսը։
«Լրատվամիջոցների այդ հաղորդագրությունները, ինչպես ցույց է տալիս փորձը, դատարկ տեղը չեն առաջանում։ Ամերիկայի Միացյալ Նահանգները մշտական ռեժիմով հետախուզական տվյալներ է փոխանցում Ուկրաինային՝ առցանց: Սա նորություն չէ»,- լրագրողներին ասել է Պեսկովը։
Հավելենք՝ The Wall Street Journal-ը, հղում անելով իր աղբյուրներին, հայտնել էր, որ ԱՄՆ նախագահ Դոնալդ Թրամփը թույլ է տվել Ուկրաինային տրամադրել հետախուզական տվյալներ՝ Ռուսաստանի էներգետիկ ենթակառուցվածքներին հրթիռային հարվածներ հասցնելու համար։
Թարգմանությունը՝ Էմմա Չոբանյանի
