Մենք թերագնահատել ենք Ռուսաստանից եկող սպառնալիքը․ Մակրոն

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Եվրոպան թերագնահատել է Ռուսաստանին, որն ահաբեկչության հետ մեկտեղ «եվրոպացիների համար ամենամեծ կառուցվածքային սպառնալիքն է»։ Ֆրանսիայի նախագահ Էմանուել Մակրոնն այս մասին հայտարարել է գերմանական Frankfurter Allgemeine Zeitung (FAZ) թերթին տված հարցազրույցում, գրում է DW-ի ռուսական ծառայությունը։

«Նա սպառնում է մեր կոլեկտիվ անվտանգությանը՝ միջամտելով մեր ընտրական պայքարին, կիբեռհարձակումների, ընդդիմադիր գործիչների սպանությունների և միգրացիոն հոսքերի միջոցով, որոնք օգտագործում է որպես ճնշման միջոց։ Ռուսաստանը փորձարկում է մեր օդային պաշտպանությունը և փոխել է իր միջուկային դոկտրինը։ Թերագնահատվում է այն չափը, որով ռուսներն ազդում են մեր հասարակական կարծիքի վրա՝ տարածելով կեղծ տեղեկատվություն»,- ասել է Մակրոնը։

Ֆրանսիայի առաջնորդի խոսքով՝ բաց եվրոպական հասարակությունները խոցելի են տեղեկատվական պատերազմի նկատմամբ։

«Մենք միամիտ ենք, եթե չենք տեսնում, որ մեր ժողովրդավարություններում տեղակայված է ռուսական գաղտնի բանակ։ Այն բաղկացած է փոքր, դեմք չունեցող զինվորներից, որոնք կոչվում են թվային բոտեր։ Նրանք մանիպուլացնում են ժողովրդավարությունը Ֆրանսիայում, Գերմանիայում և Եվրոպայում ընդհանրապես»,- ասել է նա։

Հարցին՝ արդյո՞ք նա կողմ է ռուսական ինքնաթիռների խոցմանը, եթե դրանք առանց թույլտվության մտնեն Եվրոպայի օդային տարածք, Ֆրանսիայի նախագահը պատասխանել է. «Համաձայն ռազմավարական անորոշության դոկտրինի՝ կարող եմ ասել, որ ոչինչ բացառված չէ»։

Միևնույն ժամանակ, Մակրոնը կարծիք է հայտնել, որ ժամանակն է՝ Ուկրաինայի արևմտյան դաշնակիցները դադարեն Մոսկվային ասել այն ամենը, ինչ նրանք չեն անի. «Դա թուլության նշան է: Մենք պետք է Պուտինին անորոշության  մեջ պահենք»։

Ֆրանսիայի նախագահը նաև շեշտել է, որ Ռուսաստանի դեմ պատժամիջոցներն ավելի լավ են աշխատում, քան ասվում է։ Բայց որպեսզի դրանք ավելի լավ աշխատեն, Արևմուտքը պետք է կենտրոնանա Ռուսաստանի «ստվերային նավատորմի» վրա, որը բաղկացած է մոտավորապես 800 ակտիվ նավերից, որոնք խուսափում են պատժամիջոցներից։

«Մենք բոլորս պետք է միավորենք ուժերը՝ այդ նավերը վերահսկելու, դրանք շրջափակելու և Ռուսաստանի տնտեսության համար ծախսերը մեծացնելու համար։ Մենք պետք է նաև արագացնենք կարճաժամկետ օգնությունն ուկրաինական բանակին»,- ասել է նա։

Մեկնաբանելով Գերմանիայի կանցլեր Ֆրիդրիխ Մերցի դիրքորոշման փոփոխությունը ԵՄ-ում սառեցված ռուսական ակտիվներն Ուկրաինային աջակցելու համար օգտագործելու վերաբերյալ՝ Էմանուել Մակրոնը բացատրել է, որ այդ միջոցները «չեն կարող պարզապես բռնագրավվել, քանի որ դա կխախտի միջազգային իրավունքը»։

«Այնուամենայնիվ, դրանք պետք է ծառայեն որպես երաշխիք՝ տեսանելի դարձնելու մեր երկարաժամկետ աջակցությունը Ուկրաինային՝ եվրոպական բյուջետային երաշխիքով և ազգային երաշխիքներով։ Ըստ էության, սա նշանակում է, որ Գերմանիան պատրաստ է իր վրա վերցնել Ուկրաինայի համար համատեղ պարտքերը։ Սա իրական փոփոխություն է։ Սա գերմանա-ֆրանսիական համագործակցության արդյունք է»,- հավելել է Մակրոնը։

Թարգմանությունը՝ Էմմա Չոբանյանի