19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
ԱՄՆ-ում միկրոալիքային զենք են փորձարկել․ այն մեկ իմպուլսով 49 ԱԹՍ է ոչնչացրել․ ՏԵՍԱՆՅՈՒԹ
Քաղաքականություն
02.10.2025 | 16:30
Ամերիկյան պաշտպանական Epirus ընկերությունը հրապարակել է Leonidas բարձր հզորության միկրոալիքային (HPM) համակարգի փորձարկման արդյունքները։ Փորձարկման ընթացքում Leonidas-ը ցույց է տվել 100 տոկոսանոց արդյունք՝ վնասազերծելով միաժամանակ օդ բարձրացված բոլոր 61 անօդաչու թռչող սարքերը։ Ընդ որում՝ դրանցից 49-ը շարքից դուրս է եկել բարձր էներգիայի էլեկտրամագնիսական ընդամենը մեկ իմպուլսով։
«Սա վճռորոշ պահ է Epirus-ի համար։ Մենք կարծում ենք, որ մեր ռազմականացված էլեկտրամագնիսական միջամտության ցուցադրումը ամենաարդյունավետ միջոցն է ցույց տալու, որ Leonidas-ը բազմաքանակ թիրախների դեմ մեկը շատերի դեմ կոնցեպտով աշխատող միակ մարտունակ լուծումն է», – ասել է ընկերության գործադիր տնօրեն Էնդի Լոուրին։
Նշվում է, որ ցուցադրությունը տեղի է ունեցել ԱՄՆ Ինդիանա նահանգի Աթերբերի ճամբարում։ Դրան մասնակցել են ԱՄՆ Պաշտպանության նախարարության, ԱՄՆ կառավարության այլ գործակալությունների և ինը դաշնակից երկրների ներկայացուցիչներ:
Թարգմանությունը՝ Էմմա Չոբանյանի
