19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
Օդեսայում ուժեղ անձրևները հեղեղումներ են առաջացրել․ 9 մարդ է զոհվել
Քաղաքականություն
01.10.2025 | 14:09
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինայի արտակարգ իրավիճակների պետական ծառայությունը հայտնել է, որ Օդեսայում և Օդեսայի մարզում ինը մարդ, այդ թվում՝ մեկ երեխա է զոհվել ուժեղ անձրևների հետևանքով առաջացած հեղեղումների պատճառով, գրում է Current time-ը։
Ծառայության Օդեսայի մարզային վարչության ներկայացուցիչ Մարինա Ավերինան հայտնել է, որ շենքի նկուղային հարկում ապրող հինգ հոգանոց ընտանիք է զոհվել։
«Նրանց ալիքը ծածկել է և չեն կարողացել դուրս գալ։ Մի ամբողջ ընտանիք է զոհվել»,- ասել է նա։
Մարզային վարչակազմի ղեկավար Օլեգ Կիպերը պարզաբանել է, որ մահացել են երկու տղամարդ, երկու կին և ութամյա աղջիկ։
«Եղել են նաև հիպոթերմիայի դեպքեր՝ ջրի հետ երկարատև շփման պատճառով։ Տուժածները ստանում են անհրաժեշտ բժշկական օգնություն»,- ասել է Կիպերը։
Ավերինան նաև հայտնել է, որ ևս երեք կին է զոհվել․ նրանց տարել է ջրի հոսանքը։ Բոլոր զոհերը Օդեսայի բնակիչներ են։
Ըստ Արտակարգ իրավիճակների պետական ծառայության՝ փրկարարները տարհանել են մարդկանց, դուրս են բերել մեքենաները, ջուրը դուրս մղել շենքերից և գիշերը որոնել են անհետ կորած աղջկա։ Նրան առավոտյան գտել են մահացած։ Նա 23 տարեկան է եղել։ Ընդհանուր առմամբ, փրկվել է 362 մարդ, 227 մեքենա տարհանվել է։
Թարգմանությունը՝ Էմմա Չոբանյանի
