16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Յարոսլավլում՝ ՌԴ-ի խոշորագույն նավթավերամշակման գործարաններից մեկում, հրդեհ է բռնկվել․ ՏԵՍԱՆՅՈՒԹ
Քաղաքականություն
01.10.2025 | 12:58
Յարոսլավլում հրդեհ է բռնկվել «Սլավնեֆտ»-ին պատկանող «Յարոսլավնեֆտեորգսինտեզ» նավթավերամշակման գործարանում: Ռուսական տելեգրամ ալիքները, այդ թվում՝ Astra-ն, հրապարակում են այրվող գործարանի կադրերը, գրում է Meduza-ն։
Յարոսլավլի մարզային իշխանությունները հաստատել են նավթավերամշակման գործարաններից մեկում հրդեհի բռնկման փաստը, սակայն չեն նշել գործարանի անունը։ Շրջանի ղեկավար Միխայիլ Եվրաևն ընդգծել է, որ հրդեհը մարդածին է, անօդաչու թռչող սարքի հարվածի հետևանքով չէ։
«Բնակիչները մտահոգված էին, որ սա կարող էր լինել թշնամական անօդաչու թռչող սարքերի հարձակման արդյունք։ Սակայն այս միջադեպը դրա հետ որևէ կապ չունի։ Այսօր անօդաչու թռչող սարքերի հարձակումներ չեն գրանցվել»,- գրել է նահանգապետը սոցիալական ցանցերում։
«Յարոսլավնեֆտեորգսինտեզը» Ռուսաստանի հինգերորդ խոշորագույն նավթավերամշակման գործարանն է։
Ուկրաինական անօդաչու թռչող սարքերը պարբերաբար են հարվածներ հասցնում ռուսական նավթավերամշակման գործարաններին։ Անօդաչու թռչող սարքերի հարձակումների հետևանքով նավթավերամշակման գործարանները մասնակի կամ ամբողջությամբ դադարեցնում են աշխատանքը, ինչը, ի թիվս այլ բաների, հանգեցնում է վառելիքի պակասի և գների բարձրացման։
Թարգմանությունը՝ Էմմա Չոբանյանի
