09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Արխանգելսկում տեխնիկումի հեռացված ուսանողը դանակով հարձակվել է ուսուցիչների վրա․ վիրավորներ կան
Քաղաքականություն
29.09.2025 | 16:57
Արխանգելսկում ձերբակալվել է տեղի 18-ամյա մի բնակիչ, որը դանակահարել է տեխնիկումի երկու աշխատակցի։ Այս մասին հաղորդում է ՌԴ Պոմորյեի և Նենեցյան ինքնավար շրջանի քննչական կոմիտեի մամուլի ծառայությունը, գրում է Ինտերֆաքսը։
«Սեպտեմբերի 29-ի առավոտյան Արխանգելսկի տեխնիկումում կասկածյալը դանակահարել է տեխնիկական դպրոցի երկու աշխատակցի։ Վիրավոր կանայք հոսպիտալացվել են»,- ասվում է հայտարարության մեջ։
Կասկածյալը ձերբակալվել է։ Նախնական տեղեկությունների համաձայն՝ նա ավելի վաղ հեռացվել է ուսումնական հաստատությունից։
«Նա սկզբում դանակահարել է ռուսերենի ուսուցչին, ապա, երբ նա փախչում էր, սոցիալական մանկավարժը փորձել կանգնեցնել, նրան նույնպես դանակահարել է»,- Mash տելեգրամ ալիքին պատմել է աշակերտներից մեկը։
Հարուցվել է քրեական գործ՝ երկու անձի նկատմամբ սպանության փորձ կատարելու համար (Քրեական օրենսգրքի 30-րդ հոդվածի 2-րդ մաս, 105-րդ հոդվածի 2-րդ մասի «ա» և «ի» կետեր):
Դեպքի վայրում աշխատում է քննչական խումբը:
Թարգմանությունը՝ Էմմա Չոբանյանի
