07.06.2026 | 22:41
Գրառում` ՔՊ-ի քվեաթերթիկի վրա. այն անվավեր ճանաչվեց․ ՏԵՍԱՆՅՈՒԹ
Սարկոզին խոստովանել է, որ չէր սպասում իրական ազատազրկման դատավճռի
Հասարակություն
28.09.2025 | 13:21
Ֆրանսիայի նախկին նախագահ Նիկոլա Սարկոզին խոստովանել է, որ չէր սպասում իրական ազատազրկման դատավճռի։ Le Journal du Dimanche պարբերականին տված հարցազրույցում նա ասել է, որ չի հասկանում, թե ինչու է դատարանը պնդում դատավճռի անհապաղ կատարմանը։ Սարկոզիի խոսքով՝ դատական գործընթացի ընթացքում խախտվել են «օրենքի բոլոր սահմանները»։
«Ես պատրաստ էի ամեն ինչի, բայց, խոստովանում եմ, ոչ այսպիսի արդյունքի։ Ամեն ինչ շատ ավելի հեռու գնաց, քան կարող էի պատկերացնել։ Խախտվել են օրենքի բոլոր սահմանները։ Սա ուղղակի անհավատալի է»,-ասել է Նիկոլա Սարկոզին։
Նա նշել է, որ չի հասկանում դատարանի հիմնավորումը՝ անհապաղ դատավճիռը ուժի մեջ մտցնելու մասին։ Դատավորները հղում են արել «հասարակական կարգի խախտման ռիսկին», եթե քաղաքական գործիչը մնա ազատության մեջ։
Հիշեցնենք՝ դատավճիռը հրապարակվել է սեպտեմբերի 25-ին։ Նիկոլա Սարկոզին մեղադրվում է «հանցավոր խմբավորման մասնակցության» համար։ Դատարանի վարկածով՝ Սարկոզիի նախընտրական քարոզարշավը ֆինանսավորվել է Լիբիայի ռեժիմի կողմից։ Այդ գործով նա դատապարտվել է հինգ տարվա ազատազրկման՝ դատավճռի կատարման որոշակի ձգձգմամբ։ Փաստացի, դա նշանակում է, որ նա առաջիկա շաբաթներին պետք է քրեակատարողական հիմնարկ տեղափոխվի։ Քաղաքական գործիչը մտադիր է բողոքարկել դատարանի որոշումը և ապացուցել իր անմեղությունը։
