06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Վերականգնվել է պետությանը պատճառված վնասից 1 մլրդ դրամը․ ՔԿ
Հասարակություն
26.09.2025 | 16:44
Դեղամիջոցների արտադրությամբ, ներմուծմամբ և իրացմամբ զբաղվող ընկերությունը խեղաթյուրված տվյալներ է մուտք արել ու այդպիսով խուսափել է առանձնապես խոշոր չափերով հարկեր վճարելուց․ հայտնում են ՔԿ-ից։
«ՀՀ քննչական կոմիտեում իրականացվում է դեղամիջոցների արտադրությամբ, ներմուծմամբ և իրացմամբ զբաղվող ընկերության կողմից հարկման հիմք հանդիսացող փաստաթղթերում` ավելացված արժեքի հարկի և ակցիզային հարկի միասնական, ինչպես նաև շահութահարկի հաշվարկներում խեղաթյուրված տվյալներ մտցնելու եղանակով առանձնապես խոշոր չափերով հարկեր վճարելուց խուսափելու դեպքի առթիվ նախաձեռնված քրեական վարույթի նախաքննությունը:
Քրեական վարույթի նախաքննության ընթացքում իրականացված մեծածավալ ապացուցողական և վարութային գործողությունների արդյունքում վերականգնվել է պետությանը պատճառված վնասից 1 մլրդ ՀՀ դրամը:
Նախաքննությունը շարունակվում է»,- ասված է ՔԿ-ի տարածած հաղորդագրւթյւնում։
