31.05.2026 | 19:16
Մեզ սարքում են ՌԴ-ի թշնամի, տանում Ուկրաինայի ճանապարհով․ Քոչարյան․ ՏԵՍԱՆՅՈւԹ
Ուկրաինա է վերադարձվել 1625 ապօրինի դուրս բերված երեխա. Զելենսկի
Քաղաքականություն
23.09.2025 | 23:21
Ուկրաինայի նախագահ Վլադիմիր Զելենսկին, ելույթ ունենալով ՄԱԿ-ի Գլխավոր ասամբլեայի 80-րդ նստաշրջանի շրջանակում Նյու Յորքում կայացած ուկրաինացի երեխաների վերադարձի միջազգային կոալիցիայի նիստում, հայտնել է, որ «Bring Kids Home» ծրագրի շրջանակում Ուկրաինա վերադարձվել է պատերազմական գոտուց ապօրինի դուրս բերված 1625 երեխա։
Նա հայտարարել է Ռուսաստանում և Ուկրաինայի օկուպացված տարածքներում տեղահանված երեխաների մասին բոլոր տվյալների հավաքագրման ծրագրի մեկնարկի մասին:
«Ռուսաստանը թաքցնում է ճշմարտությունը, և այդ պատճառով այս աշխատանքը որոշիչ նշանակություն ունի։ Խոսքը վերաբերում է ֆինանսավորմանը, որոնողական աշխատանքներին, տեղեկության վավերացմանն ու այն երաշխավորելուն, որ մեղավորները պատասխանատվության կենթարկվեն»,– մեջբերում է Զելենսկու խոսքը «Ինտերֆաքս-Ուկրաինա»-ն։
Նիստին ելույթ են ունեցել նաև Ուկրաինայի առաջին տիկին Ելենա Զելենսկայան, Կանադայի վարչապետ Մարկ Քարնին, Լատվիայի նախագահ Էդգարս Ռինկևիչսը, Ֆինլանդիայի նախագահ Ալեքսանդր Ստուբը, Չեխիայի նախագահ Պետր Պավելը, ինչպես նաև Բելգիայի թագուհի Մաթիլդան։
Բոլորն ընդգծել են՝ անհրաժեշտ է ուժեղացնել ճնշումը Ռուսաստանի վրա՝ երեխաների արագ վերադարձն ապահովելու համար։
