26.08.2026 | 18:01
Իրանը և Օմանը համաձայնության են եկել Հորմուզի նեղուցի ու եկամուտների մասնաբաժինների շուրջ. ԻՀՊԿ
Ֆրանսիան ճանաչել է Պաղեստին Պետությունը
Քաղաքականություն
22.09.2025 | 23:45
Ֆրանսիան պաշտոնապես ճանաչել է Պաղեստինի անկախությունը։ Այս մասին հայտարարել է երկրի նախագահ Էմանուել Մակրոնը՝ ՄԱԿ-ի գագաթնաժողովում, որը նվիրված էր իսրայելա-պաղեստինյան հակամարտության կարգավորմանը։
«Ժամանակն եկել է։ Հենց այդ պատճառով, հավատարիմ մնալով Մերձավոր Արևելքում խաղաղություն հաստատելու՝ Ֆրանսիայի պատմական հանձնառությանը, ես հայտարարում եմ՝ Ֆրանսիան այսօր ճանաչում է Պաղեստին Պետությունը»,- ասել է Մակրոնը։
2025 թվականի սեպտեմբերի 22-ի դրությամբ Պաղեստինի անկախությունը ճանաչել են ՄԱԿ-ի 153 անդամ պետություն, ինչպես նաև Վատիկանը։ Վերջին պետությունները, որոնք միացել են այդ ցանկին՝ Ֆրանսիայից բացի, եղել են Մեծ Բրիտանիան, Կանադան, Ավստրալիան և Պորտուգալիան։ Գերմանիան, սակայն, դեռևս չի պատրաստվում միանալ Պաղեստինի ճանաչմանը։
