21.05.2026 | 23:14
Իրանը ռազմարդյունաբերական բազան վերակառուցում է սպասվածից արագ՝ արդեն արտադրելով ԱԹՍ-ներ. CNN
Դոնալդ Թրամփը սահմանում է 100,000 դոլար տուրք H-1B վիզայի դիմորդների համար և գործարկում է «ոսկե քարտ» համակարգ
Քաղաքականություն
20.09.2025 | 18:19
ԱՄՆ նախագահ Դոնալդ Թրամփը ստորագրել է մի շարք հրամանագրեր, որոնք լուրջ փոփոխություններ են առաջարկում երկիր մուտքի հետ կապված քաղաքականությունում։ Մասնավորապես, ըստ ստորագրված նոր հրամանագրի՝ աշխատանքային H-1B վիզայի համար դիմող անձինք պետք է տարեկան վճարեն 100,000 ԱՄՆ դոլար տուրք։
Ինչպես հայտնում է BBC-ն, մի շարք փորձագետներ մտահոգություն են հայտնել, որ այս քայլը կարող է էականորեն նվազեցնել Միացյալ Նահանգների մրցունակությունը տեխնոլոգիական ոլորտում, քանի որ H-1B վիզան ԱՄՆ-ի համար գլխավոր գործիքներից է արտերկրից բարձր որակավորում ունեցող մասնագետների ներգրավման համար։
Միաժամանակ, Թրամփը ստորագրել է հրամանագիր, որով նախատեսվում է ներդնել նոր՝ «ոսկե քարտ» համակարգ։ Այն նախատեսված է այն անձանց համար, ովքեր կարող են վճարել 1 միլիոն ԱՄՆ դոլար՝ մշտական կացության իրավունք (Green Card) ստանալու նպատակով։
Հրամանագրերում Թրամփը հղում է կատարում H-1B վիզայի ծրագրում «չարաշահումների» առկայությանը՝ նշելով, որ եթե 100,000 դոլարի վճարումը չկատարվի, ապա դիմորդի մուտքը երկիր կսահմանափակվի։
Նշենք, որ H-1B վիզայի ծրագրի քննադատները վաղուց պնդում են, թե այն վնասում է ամերիկյան աշխատաշուկային՝ իջեցնելով աշխատավարձերը և տեղացի մասնագետների մրցունակությունը։ Իսկ աջակիցները, այդ թվում՝ միլիարդատեր Իլոն Մասկը, հակառակը՝ ընդգծում են, որ ծրագիրը հնարավորություն է տալիս ԱՄՆ-ին ներգրավել աշխարհի լավագույն ինժեներներին, ծրագրավորողներին և գիտնականներին։
