29.04.2026 | 17:07
Ինչպես Մուստաֆաևի գլխավորած պատվիրակությունը հեռացավ Աղվերանից․ ՏԵՍԱՆՅՈՒԹ
Բա տենց ա լինելու, Ադրբեջանը պատերազմում հաղթել է, ուզում ենք, որ առաջինը ի՞նքը մեզ տարածք վերադարձնի. Արմեն Խաչատրյան․ ՏԵՍԱՆՅՈՒԹ
Քաղաքականություն
19.09.2025 | 18:30
«Արցախցիների` տներ վերադառնալու հարցը օրակարգում չկա․ դա բոլորին հասկանալի և օբյեկտիվ իրականություն է։ Զարմանում եմ, որ նման հարց եք տալիս։ Արցախ վերադարձը խաղաղության գործընթացին չի խանգարում, բայց պարզապես անհնար է։ Միջազգային իրավունքը չի գործում»,- Factor TV-ի հետ զրույցում նշում է ՀՀ ԱԺ ՔՊ խմբակցության պատգամավոր Արմեն Խաչատրյանը։
Ըստ նրա, օգոստոսի 8-ից հետո սյունեցիների տրամադրությունում փոփոխություններ են նկատվում․ մարդիկ սկսել են տեսնել խաղաղության հեռանկարը։ «Մինչև պայմանագրի նախաստորագրումը մենք գտնվել ենք շատ լուրջ ռիսկային ժամանակահատվածում, հիմա այդ ռիսկերը նվազեցվում են։ Այսօր կան հատվածներ, որտեղ Ադրբեջանը մեր տարածքում է, բայց երբ սահմանազատումը սկսվի, նրանք հետ են գնալու»։
Ըստ Արմեն Խաչատրյանի՝ դելիմիտացիայի նախապատրաստական աշխատանքներն արդեն ընթանում են։ «Չեմ կարող ասել, թե որտեղից կշարունակվի սահմանազատման գործընթացը։ Իմ տրամաբանությամբ՝ որտեղ ճանապարհ պետք է կառուցվի, այդ հատվածները պետք է դելիմիտացիայի ենթարկվեն»։
Արմեն Խաչատրյանն ի պատասխան ընդդիմադիրների քննադատությունների, որ կառավարությունը ժամկետային զինծառայության ժամկետը կրճատելով և 2026-ին չշատացնելով պաշտպանական ծախսերի բյուջեն, թուլացնում է բանակը, ասում է՝ 30 տարվա ընթացքում անգամ մեկ փամփուշտ չի արտադրվել Հայաստանում։ «Հիմա ժամանակակից զենք ենք արտադրում։ Ադրբեջանի զինվելը Հայաստանի դեմ չէ․ նրանք խնդիրներ ունեն Ռուսաստանի հետ»։
Մանրամասները՝ հարցազրույցում։
Նարեկ Կիրակոսյան
