16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
ԲԱՆԱՎԵՃ. Կասկածելի պետգնումներ՝ Վանաձորում․ ինչպե՞ս կանխարգելել կոռուպցիան
Քաղաքականություն
18.09.2025 | 22:00
Վանաձորի Սայաթ-Նովա զբոսայգու հիմնանորոգումը մրցույթի արդյունքում իրականացրել են այնպիսի ընկերություններ, որոնք փոխկապակցված են համայնքի ավագանու անդամների և նրանց ընտանիքների, ինչպես նաև քաղաքային նախկին իշխանության ներկայացուցիչների հետ։ «Ինֆոքոմի» ուսումնասիրության արդյունքում պարզվել է, որ Սայաթ-Նովա այգու շատրվանների կառուցումն իրականացվել է ավագանու անդամ Յանա Հովսեփյանի հոր հետ կապվող «Վանտեխմատ» ՍՊԸ-ն, որը 2019-25 թթ․ ստացել է շուրջ 260 մլն դրամի պայմանագրեր։
Հատկանշական է, որ այգու հիմնանորոգման աշխատանքներում ներգրավված ընկերություններից մյուսը՝ «Հայմաս» ՍՊԸ-ի տնօրենը «Վանտեխմատ» ՍՊԸ-ի տնօրեն Անդրանիկ Մելիքյանն է։ Զբոսայգու նախագծային աշխատանքներն իրականացրել է Վանաձորի համայնքապետարանի քաղաքաշինության բաժնի պետ Սուրեն Աբովյանին պատկանող «Շինէքսպրտ» ՍՊԸ-ն։
258 մլն դրամի պայմանագիր կնքած և աշխատանքի մեծ մասն իրականացրած «Ռ․ Ղազարյան» ՍՊԸ-ի հիմնադիրը Ռիմա Ղազարյանն է, որը կապ ունի Վանաձորի նախկին քաղաքապետ Սամվել Դարբինյանի հետ։ Վերջին տարիներին ընկերությունը կնքել է ընդհանուր շուրջ 1.4 մլրդ դրամի պայմանագրեր։ Այս ընկերությունը իր ամենախոշոր պայմանագիրը կնքել է 2024 թվականի հուլիսին՝ շուրջ 602․5 մլն դրամով։ Այդ պայմանագրով ընկերությունը պետք է հիմնանորոգեր Տարոն 2 և Տարոն 4 թաղամասերի փողոցները։
Արդյո՞ք կոռուպցիայի դրսևորում չէ պաշտոնյաների և նրանց փոխկապակցված անձանց հետ կապվող ընկերության հաղթանակը համայնքային գնումներում։
Factor TV-ում հրավիրված քննարկմանը մասնակցում են Սոս Խաչիկյանը՝ տնտեսագետ, Արմենուհի Բուռնազյանը՝ «Հանրային քաղաքականության հետազոտությունների ազգային կենտրոն» ՀԿ-ի գործադիր տնօրեն, Սևակ Մամյանը՝ Ինֆոքոմի խմբագիր, Գևորգ Քոթանջյանը՝ «Ուղղակի Ժողովրդավարություն» ՀԿ նախագահ, Մհեր Բեջանյանը՝ Երևանի ավագանու Հանրապետություն խմբակցության անդամ։
Հաղորդումն ամբողջությամբ՝ տեսանյութում։
Ռոբերտ Անանյան
