23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Չինաստանում ավիաշոուի ժամանակ թռչող մեքենաները բախվել են. ՏԵՍԱՆՅՈՒԹ
Քաղաքականություն
17.09.2025 | 22:19
Երկու թռչող մեքենաներ բախվել են Չինաստանում տեխնոլոգիան ցուցադրելու համար նախատեսված ավիաշոուի փորձի ժամանակ։ Xpeng AeroHT մեքենաները բախվել են օդում, որոնցից մեկը բռնկվել է վայրէջքի ժամանակ, հաղորդում է Reuters-ը։
Ընկերությունը հայտարարել է, որ դեպքի վայրում գտնվող մարդիկ անվտանգ են, սակայն CNN-ը, հղում անելով ընկերության անանուն աշխատակցին, հայտնել է, որ վթարի հետևանքով մեկ մարդ վիրավորվել է։
Փորձնական թռիչքներն իրականացվել են Չանչունի ավիաշոուի համար, որը պետք է սկսվի այս շաբաթվա վերջին՝ Չինաստանի հյուսիս-արևելքում։
Չինական Weibo սոցիալական ցանցում հրապարակված կադրերում երևում է գետնին ընկած այրվող մեքենա։
«Մեքենաներից մեկը վնասվել է ֆյուզելյաժից և բռնկվել վայրէջքի ժամանակ։ Դեպքի վայրում գտնվող անձնակազմն անվտանգ է, տեղական իշխանությունները տեղում արտակարգ միջոցառումներ են ձեռնարկել»,- CNN-ին տված հայտարարության մեջ ասել են Xpeng AeroHT ընկերությունից։
Էլեկտրական թռչող ավտոմեքենաները թռիչք և վայրէջք են կատարում ուղղահայաց, ընկերությունը նախատեսում է դրանք վաճառել մոտ 300,000 դոլարով։
Հունվարին Xpeng-ը հայտարարել էր, որ ունի մոտ 3,000 պատվեր։
Չինական ընկերությունն աշխարհի խոշորագույն էլեկտրական մեքենաների արտադրողներից է, վերջերս ընդլայնվել է նաև Եվրոպայում։
Թարգմանությունը՝ Էմմա Չոբանյանի
