02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Եվրախորհրդարանը մշտական ներկայացուցչություն է բացում Կիևում
Քաղաքականություն
17.09.2025 | 21:33
Եվրախորհրդարանը մշտական ներկայացուցչություն է բացել Կիևում: Գերագույն ռադայում կայացած արարողության ժամանակ Եվրոպական խորհրդարանի նախագահ Ռոբերտա Մեցոլան հայտարարել է, որ առաքելության նպատակն է խորացնել փոխգործակցությունը և վերահաստատել Կիևի հետ համերաշխությունը, գրում է DW-ի ռուսական ծառայությունը։
«Մենք այստեղ ենք ձեզ հետ և կմնանք այստեղ: Մենք ամեն օր կաշխատենք ձեզ հետ»,- ասել է նա Ուկրաինայի խորհրդարանում ունեցած ելույթում։
Մեցոլան ընդգծել է, որ Մոսկվայի վրա ճնշումը կշարունակվի, և որ ինքն ակնկալում է, որ Ռուսաստանի դեմ պատժամիջոցների 19-րդ փուլը շուտով կընդունվի։ Նա նշել է՝ ԵՄ-ն մտադիր է արագորեն դադարեցնել ռուսական գազի և նավթի վաճառքն ու միջոցներ ձեռնարկել սահմանափակումները շրջանցելու համար օգտագործվող «ստվերային նավատորմի» դեմ։
Եվրոպական հանձնաժողովի նախագահ Ուրսուլա ֆոն դեր Լեյենը հաստատել է, որ Ռուսաստանի դեմ հաջորդ պատժամիջոցների փաթեթի առաջարկն արդեն պատրաստվում է։ Ակնկալվում է, որ այն կներառի բանկային ոլորտին, էներգետիկային և գործող սահմանափակումները շրջանցելու համար կրիպտոարժույթների օգտագործմանն ուղղված միջոցառումներ։
Եվրախորհրդարանի ներկայացուցչության բացումը և նոր պատժամիջոցների նախապատրաստումը տեղի են ունենում Ռուսաստանի կողմից Ուկրաինա շարունակվող ռազմական ներխուժման ֆոնին։ Լրատվամիջոցն ընդգծում է, որ ԵՄ-ն ձգտում է համաձայնեցնել Կիևին քաղաքական և գործնական աջակցությունը՝ միաժամանակ բարդացնելով պատժամիջոցներից խուսափումը։
Թարգմանությունը՝ Էմմա Չոբանյանի
