07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
ԿԳՄՍ նախարարն ու դեսպանը քննարկել են Հայաստանի և Քուվեյթի միջև համագործակցության հեռանկարները
Հասարակություն
16.09.2025 | 22:45
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանում Քուվեյթի արտակարգ և լիազոր դեսպան Մուհամմադ Տարեկ Ալի Ալ-Օրայֆանին: Հանդիպմանը ներկա է եղել նաև նախարարի տեղակալ Արթուր Մարտիրոսյանը: Այս մասին տեղեկացնում են ԿԳՄՍ նախարարությունից՝ նշելով, որ քննարկվել են Հայաստանի և Քուվեյթի միջև համագործակցության հեռանկարները։
«Նախարար Ժաննա Անդրեասյանը ողջունել է դեսպանին և շնորհակալություն հայտնել Հայաստանի և Քուվեյթի միջև համագործակցության զարգացմանն ուղղված ջանքերի համար՝ հատկապես Հայաստան-Քուվեյթ կրթամշակութային հարաբերությունների զարգացման ու խորացման ուղղությամբ: Ներկայացնելով «Ակադեմիական քաղաք» ծրագիրը՝ նախարարն անդրադարձել է միջազգային համագործակցության հեռանկարներին:
Հանդիպման ընթացքում քննարկվել են Քուվեյթի համալսարանի լեզուների ուսուցման կենտրոնի կողմից Հայաստանին տրամադրվող կրթաթոշակային տեղերին, Քուվեյթի գիտական ակումբի կողմից (Kuwait Science Club) կազմակերպվող Մերձավորարևելյան գյուտարարության 16-րդ միջազգային ցուցահանդեսին Հայաստանի գիտակրթական հաստատությունների մասնակցությանը, ինչպես նաև դիպլոմների փոխճանաչմանը վերաբերող մի շարք հարցեր:
Դեսպան Մուհամմադ Տարեկ Ալի Ալ-Օրայֆանը շնորհակալություն է հայտնել ընդունելության համար և վերահաստատել պատրաստակամությունը՝ զարգացնելու գիտակրթական, տեխնոլոգիական և մշակութային երկկողմ կապերը»,- ասված է հաղորդագրությունում:
