02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Խաղաղության օրակարգի հեղինակը Հայաստանի ժողովուրդն է. Նիկոլ Փաշինյան
Քաղաքականություն
15.09.2025 | 14:23
Հայաստանի ժողովուրդն է խաղաղության օրակարգի հեղինակը: «Արմենպրես» -ի փոխանցմամբ՝ նման համոզմունք հայտնեց ՀՀ վարչապետ Նիկոլ Փաշինյանը «Համապարփակ անվտանգություն և դիմակայություն-2025» միջազգային երկօրյա համաժողովի շրջանակում: Վարչապետը շեշտեց, որ ինքը խաղաղության սոցիալիզացիայի մասին չի խոսում:
«Ես կարծում եմ, որ Հայաստանի ժողովուրդն է խաղաղության հայեցակարգի հեղինակը: Մեր ժողովուրդն է խաղաղության օրակարգի հեղինակը»,–ասաց Փաշինյանը:
Նա դրա ապացույցն է համարում այն փաստը, որ ինքը ՀՀ վարչապետն է: Փաշինյանը նաև նկատեց, որ «քաղաքական և մտավորական վերնախավի» շրջանում հարցման դեպքում շատերն իր վարչապետությանը դեմ կարտահայտվեն:
«Եվ սրա համար եղել են ջանքեր, կոչեր, հավաքներ և այլն: Իսկ ինչի՞ հաշվին է կայուն ՀՀ իշխանությունը: Շատ փո՞ղ ենք ծախսում, հիբրիդային տեխնոլոգիանե՞ր ենք օգտագործում. ո՛չ, բացարձակապես: Սա հաջորդ շրջադարձային կետն է մեր ժողովրդի հազարամյա պատմության ընթացքում: Որովհետև մեր ժողովրդի հազարամյա պատմության ընթացքում բանաձևը եղել է հետևյալը՝ էլիտարները ստեղծել են խոսույթներ և պարտադրել են ժողովրդին»,- ասաց վարչապետը:
Նիկոլ Փաշինյանը նկատեց, որ հիմա իրավիճակը բոլորովին ուրիշ է. քաղաքական վերնախավը՝ կառավարող մեծամասնությունը, քաղաքական է դարձնում այն բովանդակությունը, որը բխում է ժողովրդից: Նա ընդգծեց՝ ընդ որում, այդ հազարամյակների ընթացքում ժողովուրդը միշտ ունեցել է իր պատկերացրած բովանդակությունը:
«Նրբությունն այն է, որ ժողովուրդը մեկ ձեռք չունի, որ գրի, ձևակերպի ու հրապարակի»,- ասավ Փաշինյանը:
Նա շեշտեց, որ 2021թ ընտրություններից հետո իրականացվող քաղաքականություններն ամբողջությամբ ձևավորվել են նախընտրական արշավի ընթացքում ժողովրդի հետ դեմ առ դեռ ունեցած խոսակցության ընթացքում:
