16.07.2026 | 13:46
5 մլրդ դրամի պարգևավճար․ ինչպես է բաժանվել գումարը գերատեսչությունների միջև
Վրաստանում Ուկրաինայի 2 քաղաքացի է ձերբակալվել Թուրքիայով պայթուցիկների տեղափոխելու համար
Քաղաքականություն
12.09.2025 | 23:02
Ուկրաինայից Վրաստան ներմուծված պայթուցիկ նյութերի գործով հետաքննության նոր մանրամասներ են հայտնի դարձել, գրում է վրացական Առաջին ալիքը։
Վրաստանի Պետական անվտանգության ծառայությունը ավելի վաղ հայտարարել էր Ուկրաինայի երկու քաղաքացիների ձերբակալման և 2.4 կգ «հեքսոգեն» պայթուցիկ նյութի առգրավման մասին։
Գերատեսչության տվյալներով՝ սեպտեմբերի 10-ին ուկրաինական համարանիշներով Mercedes-Benz բեռնատարը Թուրքիայից հատել է Վրաստանի սահմանը և երկիր մտել Սարփիի անցակետով։
«Ստուգման արդյունքում մեքենայի նախապես պատրաստված թաքստոցներում հայտնաբերվել է 2.4 կգ «հեքսոգեն» պայթուցիկ նյութ։ Մենք հանրությանը բացատրում ենք, որ խոսքը տրոտիլից ավելի հզոր նյութի մասին է», – ճեպազրույցի ժամանակ ավելի վաղ ասել էր Պետական անվտանգության ծառայության պետի տեղակալ Լաշա Մագրաձեն։
Այսօր էլ ճեպազրույցում նշվել է, որ չնայած այն հանգամանքին, որ ձերբակալվածներից մեկը իր խոստովանության մեջ պայթուցիկների վերջնական նշանակման վայր է նշում Ռուսաստանի Դաշնությունը, օպերատիվ նյութերի համաձայն, այս փուլում պարզվել է միայն մեկ վերջնական վայր՝ Թբիլիսիի Հավլաբարի շրջանում գտնվող բնակելի շենքը։
«Ինչպես գիտեք, ձերբակալվել են Ուկրաինայի երկու քաղաքացիներ, որոնց մոտ հայտնաբերվել է 2.4 կիլոգրամ «հեքսոգեն» պայթուցիկ նյութ։ Պարզվել է, որ այդ նյութը Վրաստան է ներմուծվել Ռումինիայի, Բուլղարիայի և Թուրքիայի տարածքով։ Կասկածյալների ձերբակալությունից մեկուկես օրվա ընթացքում իրականացվել են լրացուցիչ քննչական և օպերատիվ գործողություններ, որոնց արդյունքում պարզվել է, որ պայթուցիկ նյութերը Ուկրաինայում գտնվող Mercedes բեռնատարի վարորդին են հանձնել ուկրաինական հատուկ ծառայության՝ այսպես կոչված Ուկրաինայի անվտանգության ծառայության աշխատակիցները, ինչը հաստատվում է նաև ձերբակալվածներից մեկի ցուցմունքով։ Նրան ասել են, որ նա պետք է այդ նյութը հասցնի Վրաստանի տարածք և հանձնի այդ աշխատակիցների կողմից նշված կոնկրետ անձին» ,-ասվում է հայտարարության մեջ։
Նշվում է, որ չնայած այն հանգամանքին, որ ձերբակալվածը իր ցուցմունքում պայթուցիկ նյութի վերջնական նպատակակետը նշում է Ռուսաստանի Դաշնությունը, ըստ խոսքով այսպես կոչված, «Սարդոստայն 2» գործողությունը պլանավորվել է այնտեղ, հետաքննության նյութերում և այլ օպերատիվ տվյալներում այս փուլում նշվում է միայն մեկ վերջնական վայր՝ Թբիլիսիի Հավլաբարի շրջանում գտնվող բնակելի շենք։
Դրա համար էլ այլ վարկածների հետ մեկտեղ, հետաքննությունը ակտիվորեն աշխատում է պարզելու համար, թե արդյոք կապ կա այս փաստի ևՎրաստանում հոկտեմբերի 4-ին նախատեսված ընտրությունների, ինչպես նաև այդ ընտրություններին առնչվող արմատական խմբավորումների կողմից հնչեցված ծրագրերի միջև։
Հայտարարության մեջ ասվում է, որ Վրաստանի Պետական անվտանգության ծառայությունը կշարունակի հանրությանը տեղեկացնել այս դեպքի մասին, քանի որ կարծում է ՝ հատուկ ծառայությունների կողմից տեղեկատվության այդ մասի բացահայտումը կարևոր է ազգային անվտանգությանը սպառնացող վտանգները կանխելու համար։
Ստացված օպերատիվ տեղեկատվության հիման վրա Վրաստանի պետական անվտանգության ծառայությունը և Ներքին գործերի նախարարությունը օպերատիվ-հետախուզական գործողությունների արդյունքում ձերբակալել են Ուկրաինայի երկու քաղաքացիների։
Թարգմանությունը՝ Էմմա Չոբանյանի
