06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հայաստանում ծնունդները պակասել են
08.09.2025 | 17:10
Այս տարվա հունվար-հուլիսին Հայաստանում 1009-ով քիչ երեխա է ծնվել, քան 2024-ի նույն ամիսների ընթացքում։ Վիճակագրական կոմիտեի տվյալներով՝ 2025թ. հունվար-հուլիսին բնակչության կենսունակության գործակիցը` ծնվածների և մահացածների հարաբերակցությունը, ավելացել է 16.6%-ով, 2024թ. նույն ժամանակաշրջանի 23.6 % աճի համեմատ: Բնական հավելաճը նվազել է 29․5 %-ով։
Նշված ժամամանակաշրջանում մեռելածինների թիվը նվազել է 13․1%-ով, սակայն ավելացել են 0-1 և 0-4 տարեկան երեխաների մահերը, համապատասխանաբար՝ 12․7 %-ով և 13․3 %-ով։
2025-ի առաջին 7 ամիսներին նախորդ տարվա նույն ժամանակաշրջանի համեմատ 13․8%-ով նվազել է նաև ամուսնությունների թիվը, իսկ ահա ամուսնալուծությունների քանակն ավելացել է՝ 6%-ով։
Գայանե Խաչատրյան
