03.10.2026 | 22:08
Հայաստանի հավաքականը ժամանել է Պոդգորիցա
Իզմիրում 16-ամյա տղան զինված հարձակվել է ոստիկանական բաժանմունքի վրա. զոհվել է 2 ոստիկան, կան վիրավորներ․ՏԵՍԱՆՅՈՒԹ
Քաղաքականություն
08.09.2025 | 16:35
Թուրքիայի Իզմիր քաղաքում ոստիկանական բաժանմունքի վրա զինված հարձակման է տեղի է ունեցել։
TRT Haber-ի հաղորդմամբ՝ 16-ամյա տղաան կրակ է բացել Սալիհ Իշգյորենի ոստիկանական բաժանմունքում։ Երկու ոստիկան սպանվել է, ևս երկուսը՝ վիրավորվել, որոնցից մեկը վիճակը ծանր է։
Թուրքիայի ներքին գործերի նախարար Ալի Երլիքայան դեպքի վերաբերյալ մանրամասներ է հայտնել է սոցցանցերում գրառմամբ.
«Ցավակցում եմ մեր ազգին։ Իզմիրի Բալչովա Սալիհ Իշգյորենի ոստիկանական բաժանմունքի դեմ զինված հարձակում է տեղի ունեցել։ Ցավոք, այս նողկալի հարձակման արդյունքում նահատակվել են մեր առաջին դասի ոստիկանապետ, ոստիկանության գլխավոր տեսուչ Մուհսին Այդեմիրը և ոստիկանության սպա Հասան Աքընը։ Ոստիկան Օմեր Ամիլաղը ծանր վիրավորվել է, իսկ ոստիկան Մուրատ Դաղլին՝ թեթև։ Կասկածյալը՝ 16-ամյա Է.Բ.-ն, ձերբակալվել է։ Դեպքի առթիվ հետաքննություն է սկսվել»,-նշել է նա։
Արդարադատության նախարար Յըլմազ Թունչն էլ հայտարարել է, որ Իզմիրի գլխավոր դատախազությունն անմիջապես սկսել է միջադեպի հետաքննությունը: Իզմիրի նահանգապետ Սուլեյման Էլբանը լրագրողների հետ միջադեպի մասին խոսելիս նշել է, որ զենքով հարձակում է գործել ավագ դպրոցի 16-ամյա աշակերտը, հերթապահ ոստիկանը սպանվել է առաջինկրակոցից։
«Բախման ժամանակ սպանվել են մեկ ոստիկան և մեկ գլխավոր տեսուչ: Մեր երկու սպաները բուժվում են հիվանդանոցում: Սա մարդաշատ փողոց է։ Մեր քաղաքացիներից մեկը նույնպես թեթև վնասվածքներ է ստացել ձեռքի հատվածում: Հարձակվողը ձերբակալվել է վնասվածքներով և շարունակում է բուժումը Ալսանջակի պետական հիվանդանոցում: Մենք դեպքը հետաքննում ենք տարբեր տեսանկյուններից: Կասկածյալը 16 տարեկան է: Նա ապրում է այս փողոցում, չունի քրեական անցյալ և նախկինում որևէ հանցագործության համար չի կալանավորվել»,-ասել է Էլբանը՝ նշելով, որ հարձակվողն օգտագործել է հրացան, որը հայրը գնել էր 10 տարի առաջ։
Թարգմանությունը՝ Էմմա Չոբանյանի
