ԱԺ նստաշրջանի մեկնարկը. ՈՒՂԻՂ

Մեկնարկել է Ազգային ժողովի ութերորդ գումարման տասներորդ նստաշրջանի հերթական նստաշրջանը։ Այսօր գումարվող հերթական նիստերի օրակարգում ընդգրկվել է 42 հարց:

Խորհրդարանի քննարկման օրակարգում են «Լիցենզավորման մասին» օրենքում լրացում կատարելու, «Պետական տուրքի մասին» օրենքում լրացում կատարելու, «Մարդու իրավունքների պաշտպանի մասին», «Հայաստանի Հանրապետության սահմանադրական օրենքում փոփոխություններ լրացումներ կատարելու մասին» օրենքների նախագծերը։

Կքննարկվեն նաև «Պետական սահմանի մասին» օրենքում լրացում կատարելու, «Գույքի նկատմամբ իրավունքների պետական գրանցման մասին» օրենքում լրացումներ և փոփոխություններ կատարելու, «Երեխայի իրավունքների և երեխայի պաշտպանության համակարգ մասին օրենքում լրացումներ և փոփոխություններ կատերելու, ինչպես նաև «Անկանխիկ գործառնությունների մասին» օրենքում լրացումներ կատարելու մասին օրենքների նախագծերը։

Խորհրդարանի այս նստաշրջանում պատգամավորները կընտրեն նաև Հանրային ծառայությունները կարգավորող հանձնաժողովի անդամ և Վճռաբեկ դատարանի քրեական պալատի դատավորի թեկնածու։

ԱԺ-ն կքննարկի նաև Կոռուպցիայի կանխարգելման հանձնաժողովի 2024 թվականի գործունեության վերաբերյալ հաղորդումը, ինչպես նաև Հայաստանի Հանրապետության հաշվեքննիչ պալատի 2024 թվականի գործունեության վերաբերյալ տարեկան հաղորդումը:
Արդեն օրակարգի վերջում կքննարկվի նաև Հայաստանի Հանրապետության պետական եկամուտների կոմիտեի 2024 թվականի գործունեության մասին հաղորդումը:

Մանրամասները՝ տեսանյութում։